Malayo pa lang ay natatanaw ko na ‘yung isang isla na may mga taong nagkukumpulan. Ingay pa lang at mga tanawin mukhang masaya na. May mga iilan na nagtitinda ng mga isda sa malalaking planggana at ang ilan naman ay abala sa pagkakarga ng mga isda sa kani-kanilang pwesto.
Noong una, akala ko ay doon kami bababa pero sa kabilang parte pala kami binaba. Mukhang pati ‘tong binabaan namin ay private property dahil kaunti lang ang mga taong dumadaan dito at mukhang bihira lang akong may makita. Bilang pa sa daliri.
“Bakit pala dito tayo dumaan?” tanong ko kai Aizen na siyang naka upo lang at relax na nakatingin sa paligid.
“Gusto mo bang pagkaguluhan ka ng mga tao doon? Pwede naman, gusto mo ba?” tanong niya sa akin. Agad kumunot ang noo ko at saka umiling. Napapaisip tuloy ako kung bakit
