"Dumating ka pa!" nakabusangot na mukha ni Cassy ang sumalubong sa'kin.
"Pasensiya na at matrapik," tugon ko naman.
Kung tutuusin ay wala naman talaga kaming pasok ng Sabado. Nakatanggap lang ako ng text messages mula sa kaniya.
"Saan ba tayo pupunta?" mahinahon kong tanong sa kaniya.
"Bakit ba ang dami mong tanong? Samahan mo na lang kaya ako at ikaw na ang magmaneho." Inabot niya sa'kin ang susi ng sasakyan.
"Baka naman mam'ya itanan mo ko bigla. Naku, kailangan mo munang makilala sina Nanay at Tatay," nakangisi kong wika sa kaniya.
"Baste!!!" bulyaw nito sa'kin.
Napahalakhak naman ako sa kaniya dahil namumula na siya sa sobrang inis.
Hindi na yata talaga makukumpleto ang araw ko 'pag 'di makitang naiinis ang dalaga.
=======
Kanina pa kami nagbabiyahe pero wala pa rin eksakton
