"Aray, Cassy! Dahan-dahan naman sa paghila," maktol sa'kin ni Sophia na inismiran ko lang.
Kung kailan naman kasi nasa moment ako nang paghanga sa ginagawang restoration ni Baste sa boteng kinuha nito mula sa basurahan ay saka naman umeksena ang mahadera kong pinsan.
Gusto ko siyang sakmalin kanina sa ginawa nitong paghimas kay Baste. Kahit mas matangkad si Sophia sa akin, kayang-kaya ko siya pagulungin.
Nang sumapit na kami sa may tapat ng pinto ng opisina ni Daddy ay kumatok muna ako ng tatlong beses at saka ko iyon binuksan.
"Dad, Sophia is here!" inporma ko sa ama nang makapasok na kami sa loob ng opisina.
"Sophia! What brought you here?" pabulalas na tanong ni Daddy.
"Hello, Tito!" ganting bati naman ni Sophia at saka lumapit ito sa aking ama upang humalik sa pisngi nito.
"Din
