Umuwi si Gabie na magulo ang isip. Hindi pa rin siya makabuo ng desisyon kung tatanggapin ba niya ang trabahong inaalok sa kanya ni Mrs. Rago sa Australia at kung bibilhin na ba ang kotseng binebenta ni Jeff.
Nang akmang bubuksan na niya ang pinto ay may narinig siyang malakas na tawanan mula sa loob ng apartment nila. Dahil pamilyar sa kanya ang boses ng nagsasalita, dali-dali niyang binuksan ang front door at hindi siya makapaniwala nang makita sa salas Eric, masaya itong nagkikipagkuwentuhan kay Edne.
Hindi niya napigilan ang sarili na mapangiti sa dalawa. May pagpalo pa talaga ang aking Friendship sa balikat ni Eric habang ang lakas ng tawanan nila. Aba, himala! Hindi siya sanay na makita ang kaibigan na nakikipagpalagayan agad ng loob kung hindi nito kilala ng lubusan ang kausap. K
