CHAPTER 13 - Accident
"WHAT are we going to eat?"
Hindi ko pinansin ang tanong ni Xia. Nag-unat-unat ako ng pangangatawan habang naghihikab pa, bahagyang nakakaramdam na ng antok.
"Sa bahay na lang ako kakain. Gusto ko nang makauwi agad para matulog," tugon ko nang sa wakas ay matapos na sa ginagawa.
"Napakatamad mo talaga."
Nagkibit-balikat lang ako sa sinabi niya at tumayo na sa kinauupuan. Iniligpit ko na ang mga gamit.
Nang mag-aya si Xia na lumabas na, mabilis akong sumang-ayon kaya sabay na naming nilisan ang building namin habang patuloy pa rin sa pag-uusap.
Sa labas ng unibersidad ay maraming mga estudyante na kagaya namin na pauwi na rin. Habang nag-aabang ng masasakyan, napansin ko ang magnanay na nasa gilid namin ni Xia. Natutuwa akong pagmasdan ang batang babae na sa ti
