CHAPTER 59 - End
NAPASINGHAP ako nang pagbukas ng envelope ay isang larawan agad ang bumungad sa akin. Halata na ang pagiging luma nito dahil sa punit-punit nito sa gilid.
Nanlabo ang mga mata ko dahil sa luha nang mapagmasdan ang lumang larawan... ng dalawang lalaki na magkamukhang-kamukha. Base sa nakikita ko ay tila bata-bata pa sila nang kuhanan ang litratong ito ngunit malinaw kong nakikilala kung sino sila. Pareho man seryoso ang mukha nila ngunit maganda pa rin ang kinalabasan ng larawan.
"Kuha ang larawan na 'yan noong nasa college pa lang kami ni Domino."
Hindi ko malaman ang magiging reaksiyon sa narinig na paliwanag ni Risk sa larawang hawak ko.
Mariin akong lumunok at pilit na nilalabanan ang mga negatibong ideya na pumapasok sa isipan ko. Inilapag ko ang larawan sa gilid
