Mayor Zandro De Guzman

Chapter-5

"If I say yes, gagawin mo ba?" tanong ni Zandro sa kanya.

"Yes," mabilis na tugon niya at huminto malapit sa kinauupuan nito.

Ngumisi naman si Zandro habang nakatingin sa kanya. Pakiramdam niya sasabog na ang kanyang dibdib sa kaba. Gayon pa man, hindi siya nagpahalata.

"What if, gawin mo, and then hindi naman ako pumayag sa gusto mo?" sabi nito.

Natigilan siya bigla. Bakit ba hindi niya naisip iyon kanina? Masyado na ba siyang desperadang mapapayag si Zandro kaya nais na niyang magpakitang-gilas dito, kahit wala naman talaga siyang ideya sa gagawin?

"What if matapos kong makuha ang gusto ko, ay hindi ko naman gawin ang gusto mo?" patuloy nito.

"Well, you are Zandro De Guzman, at alam kong marunong kang tumupad sa usapan," confident na sagot niya. Nakikita kasi niyang hindi masamang tao o mapanamantala si Zandro. Kaya nga sarili niya mismo ang inalok niya rito. Alam niya at ramdam niyang mapagkakatiwalaan niya ang katawan kay Zandro.

Nag-research na siya sa kung anong klaseng lalaki ang isang Zandro De Guzman. Dahil na rin nasa mundo ito ng pagnenegosyo, may mga articles patungkol sa lalaki, bilang isang successful businessman. Kaya naman kahit papaano may ideya na siya kung sino ito. Alam din niyang may kapatid itong babae, si Ysa De Guzman na ngayon ay isa nang Ysa Leonardo na nakapangasawa ng isang kilalang negosyante. Kaya imposibleng basta-basta na lang siya sasamantalahin nito.

"Ganyan ba kalaki ang tiwala mo sa akin, Ms. Alcaraz?" tanong ni Zandro.

"Ziyah. Just call me Ziyah," pagtatama pa niya rito. Kinasusuklaman niya ang apelyidong Alcaraz. At darating din ang araw na maaalis niya sa pangalan ang apelyido ng demonyong iyon. "Yes. Besides, wala nang ibang pwedeng makatalo kay Julio ngayong hindi tatakbo ang Papa mo, kundi ikaw."

"Ganoon ba," sabi nito at tumayo mula sa kinauupuan, at dinampot muli ang papel na galing sa OB niya.

Bahagya siyang nakahinga nang maluwag. Mukhang hindi naman siya nito paluluhurin ngayon.

"Pwedeng i-fake ang result nito," sabi nito at itinaas sa ere ang hawak na papel.

Bahagyang kumunot ang noo niya. Iniisip ba nitong nagsisinungaling siya na isa siyang virgin? Pero hindi na lang siya kumibo. Nanatiling nakatingin sa mga mata nito.

"But, I have my own way para malaman kung nagsasabi ka talaga ng totoo," patuloy nito at bumaba ang mga mata nito sa kabuuan niya. Sa bawat daanan ng mga mata nito, ay may kakaibang init siyang nararamdaman. Habang gumagapang ang mga mata nito, ay gumagapang din ang init sa buong katawan niya. Ngayon lang niya naramdaman ang ganoong init. Hindi naman ito ang unang pagkakataon na may lalaking sumuri sa kanya.

"You can't trick me, Ms. Alcaraz."

"Ziyah!" Mariing pagtatama niya. "I am not lying. Totoo ang lahat ng sinabi ko at mga nakalagay diyan. At sinabi ko lang ang bagay na iyon kanina to turn you on, para hindi ka na tumanggi pa," paliwanag niya rito. Habang patuloy ito na pinag-aaralan ang kabuuan niya. At palakas nang palakas ang kaba niya. Iyon naman ang totoo—nais niyang magpakitang-gilas, para hindi na ito magdalawang-isip pa at pumayag na sa alok niya.

"Ganoon ba iyon," tanging sabi nito at bumalik ang mga mata nito sa mga mata niya. "Pwede kong pag-isipan muna ang alok mo," sabi nito at humugot ng malalim na paghinga, sinulyapan ang papel na hawak at muling binalik sa kanya ang mga mata. "Alam mo naman sigurong hindi ganoon kadali ang pagtakbo sa halalan. Besides, I hate politics. Magulo, kaya nga kahit anong pilit ni Papa, ayoko pa ring tumakbo," litanya nito na hindi nag-aalis ng tingin sa kanya.

"That's why I am here to change your mind," nang-aakit na tugon niya at dinala ang mga kamay sa butones ng blouse niya.

Nakita niyang sumunod ang mga mata ni Zandro sa kamay niya. Hindi rin nakaligtas sa kanya ang pagtaas ng dibdib nito. Alam niyang may epekto ang ginagawa niya rito. Kailangan lang niyang ipagpatuloy ang pang-aakit para mapapayag ito. Walang lalaking tatanggi sa kanya, sigurado siya sa bagay na iyon.

Sumilay ang tabinging ngiti sa labi nito nang mabuksan ang unang butones, at sinunod pa niya ang isa. Halos nakalabas na ang dibdib niya sa harapan ni Zandro. She is willing to get this low, para mapapayag lang ito.

"Ziyah," banggit nito sa pangalan niya sa kauna-unahang pagkakataon. May kakaibang hatid sa kanya ang simpleng pagbanggit lang nito sa pangalan niya.

Natigilan siya nang pigilan nito ang kamay niyang binubuksan ang ikatlong butones ng blouse. Mainit na kamay nito ang sumakop sa kamay niya. Para siyang napaso na mabilis hinila palayo ang kamay. Nanlalaki ang mga mata niyang napatitig sa mga mata nito.

"Ayokong husgahan ka sa ginagawa mo, Ziyah. May sarili kang rason kung bakit ka nagpapakababa ng ganito, para lang mapapayag ako," litanya nito.

Napalunok siya sa sinabi nito. Ganoon ba ang tingin ni Zandro sa ginagawa niya ngayon? Nagpapakababa siya.

"Kung sakali bang hindi ako papayag, eh iaalok mo sa iba ang sarili mo?" Tanong nito at muling sinulyapan ang kabuuan niya.

Hindi siya nakakibo. Hindi sumagi sa isip niya na maghanap ng ibang pwedeng tumalo kay Julio. Dahil tanging si Zandro lamang ang may kakayahang matalo si Julio.

Matapos ang ilang segundong pananahimik niya, muli itong nagsalita. "Pag-iisipan ko ang alok mo sa akin, Ziyah. Bigyan mo ako ng tatlong araw," sabi nito habang panay sulyap nito sa naka-expose niyang dibdib.

"Hanggang sa susunod na linggo na lang pwedeng mag-file ng candidacy. At kung mahuli ka, walang makakalaban si Julio," taas-noong paliwanag niya.

"Dalawang araw, Ziyah. Ibibigay ko ang sagot ko within two days," sabi nito.

Bahagya siyang nagkibit ng balikat. Halata naman niyang hindi siya kayang tanggihan ni Zandro. Baka ang pagtakbo talaga ang ayaw nito.

"You are not in any relationship, Mr. De Guzman," sabi niya.

"How did you know that? Pinaimbestigahan mo ba ako bago mo ako hinarap?" tanong ni Zandro.

"I did my own investigation. Wala kang sineseryosong babae. At wala rin namang mawawala sa iyo kung makikipaglaro ka sa akin, kapalit ang pag-upo mo pa bilang Mayor ng bayan na ito," litanya niya.

Sumilay ang mapanganib na ngiti sa labi nito. Isang napaka-attractive na ngiti, na kayang hubarin ang sinomang babaing kaharap nito.

"You are smart, eh. Inalam mo nga muna lahat bago ka sumugod."

"I know," tugon niya at nagtaas ng mukha.

"So maglalaro pala tayo, kung sakaling pumayag ako. Anong laro ba ang kaya mong gawin, Ms. Ziyah?"

"Kaya kong sabayan kung ano man ang laro mo sa kama," matapang na sagot niya.

Sumilay na naman ang makamandag nitong ngiti. Siya man ay hindi malulugi kung sakali. Hindi niya marahil pagsisisihan kung isang tulad ni Zandro De Guzman ang lalaking makakakuha sa virginity niya.

"Anyway, bakit parang sigurado kang mananalo ako?" tanong ni Zandro.

"Anak ka ni Mayor Fernan De Guzman. At ikaw ang nais ng lahat na pumalit sa ama mo at ituloy ang nasimulan niya. Kaya walang dudang mananalo ka at matatalo mo si Julio," paliwanag niya.

"I see," tanging tugon nito at napahimas pa sa pisngi nitong mukhang bagong shave. May maliliit na balbas pa kasi roon. Napaka-attractive talaga ng lalaking kaharap. Wala siyang typical na type sa isang lalaki. Masyado kasi siyang busy sa pagpaplano kung paano mapapabagsak si Julio, kaya halos wala na siyang time na tumingin sa mga lalaki.

"I'll give you a call within two days, Ms. Ziyah," sabi nito at inabot pa ang balikat niya sa isang kamay. Dahan-dahan nitong pinaglalandas ang mga daliri nito roon. Hindi naman siya pumalag pa. At least ngayon pa lang alam na nito kung ano ang makukuha nito pag pumayag na ito sa alok niya.

"I'll wait for your call, Mr. De Guzman," sagot naman niya at nang-aakit na mga mata ang pinukol niya rito. Wala din siyang ideya kung paano mang-akit ng lalaki. Sadyang nagbasa at nanood lang siya ng mga romance para magkaroon ng ideya. Easy to learn naman siya, at sa tingin niya effective ang ginagawa niya.

Matapos maisara ang mga butones ng blouse, inayos na rin niya ang sarili, sinuklay ang mahabang buhok sa mga daliri sa nang-aakit na paraan. Ramdam kasi niyang nakasunod ang mga mata ni Zandro sa kanya. Saka na siya nagpaalam kay Zandro. Iniwan na rito ang folder na naglalaman ng lahat ng tungkol sa kanya, para naman may ideya ito kung sino siya, at ano ang kaya niyang ibigay.

"Nice to meet you, Ms. Ziyah," sabi pa sa kanya ni Zandro nang ihatid siya nito sa labas at pagbuksan ng pintuan ng kotse.

"Thank you. I'll wait for your call, Mr. Zandro," sagot niya.

Tumango-tango naman ito sa kanya. Ngumiti siya rito, at saka sumakay na sa driver's seat.

"Take care, Ms. Ziyah," sabi nito sa kanya at ito na ang nagsara sa pintuan ng kotse.

Nagbuga siya ng hangin habang nagmamaneho palabas ng De Guzman Farm. Hindi siya makapaniwala na nagawa na niya ang unang hakbang. Malakas ang kutob niyang papayag si Zandro sa alok niya. Halata na kasi niya kanina ang paglalaway ni Zandro sa katawan niya, kaya walang dudang mapapapayag niya ito.

Pagdating sa bahay ni Julio, napakunot pa siya ng noo nang makitang puno ng sasakyan ang bakuran ng bahay ni Julio. Mukhang nagsisimula nang magpa-meeting ito, baka inaakala ni Julio na sigurado na ang panalo nito, dahil sa pag-anunsyo ni Mayor Fernan na hindi ito tatakbo.

"Hinding-hindi ka mananalo, demonyo ka!" Matalim na sabi niya, bago pinatay ang makina ng kotse at bumaba na.

Napailing pa siya ng ulo habang tinitignan ang mga sasakyang naroon, pati na mga driver at bodyguard na naghihintay sa labas.

Pagpasok sa loob, malalakas na boses ang sumalubong sa kanya. Nakita niyang nasa mini bar si Julio, kasama ang mga kapartido nito, mukhang umiinom na at nagse-celebrate na, sa pag-aakalang panalo na ang mga ito. Panay pa ang malakas na tawa ni Julio na nakakairitang pakinggan.

Nagtuloy na siya sa paglalakad patungo sa hagdan. Magpapahinga na muna siya sa silid.

"Ziyah." Natigilan siya nang marinig ang pagtawag sa kanya ni Julio. Napalingon siya sa dako nito.

"Ziyah, hija, halika," magiliw na tawag sa kanya ni Julio, na tila ba napakabuting ama nito sa kanya. Pakitang-tao lang ito, dahil marami itong kasama.

"Ziyah, halika muna hija, nais kang makilala ni Wilson," sabi pa nito at tumayo mula sa kinauupuan at nakangiting lumakad palapit sa kanya. "Gusto kang makilala ni Wilson. Wilson Santiago, siya ang aking Vice Mayor," nakangiti pa ring sabi ni Julio sa kanya. Creepy, dahil hindi naman siya nito nginingitian.

"Huwag mo kong ipapahiya, Ziyah," nakangiting bulong nito sa kanya.

Nanatili lang siyang nakatingin sa stepdad.

"Sumunod ka sa akin, ipakikilala kita kay Wilson. Interesado siya sa iyo," sabi pa nito.