GAIL
KABADO akong napatingin sa labas ng kubo, habang yakap-yakap ang katawan ko't nakaupo sa lumang papag.
Sa sulok ng mga mata ko, pansin kong nakatayo si Thunder sa harap ng nag-iisang munting bintana.
Gusto ko man kausapin ito para mabawasan ang nasa loob ko hindi ko alam kung paano magsisimula.
Nilalamig na ako. Ang akala kong magiging masaya ako dahil sa sandaling 'yon ay isang maling pagkakamali.
Naipit kami ni Thunder sa isang sitwasyon na pareho naming nilagay ang mga sarili namin sa alanganin.
Alam kong magkakasakit ako dahil sa ginawa kong 'to. Kung hindi na lang sana ako sumama kay Thunder.
Hindi ko rin naman masisisi ang sarili ko at nandito na 'to.
"G-Gail, nilalamig ka na..." narinig kong untag sa akin ni Thunder sa tabi ko.
"A-ayos lang ako."
Napansin kong hinu
