“Lana, may bisita ka.”
Natigil naman ako sa ginagawa ko nang marinig ang sinabi ni Baduday. Nag-isip pa ako kung sino ang puwede kong bisita kaso wala. Si Debbie lang ang kaibigan ko.
“Sandali lang!” sagot ko.
Naghugas na ako ng kamay ko at pumasok na sa loob. Nasa backyard ako at nagtatanim ng mga bulaklak. Weekend ngayon at wala akong klase. Paglabas ko nga ng kusina ay napakunot-noo ako nang makita ang dalawang babae.
“Lana? Totoo nga ang sabi nila,” aniya.
Kumunot naman ang noo ko dahil hindi ko siya kilala. Lumapit naman ako sa kanila. Tumayo ang babaeng may katandaan at hinawakan pa ang kamay ko.
“Ako ang Tiya Susing mo. Ito naman ang pinsan mong si Rowena,” aniya.
Naguguluhan pa rin ako dahil wala akong maalala na Susing.
“Marahil nakalimutan mo na ako dahil sobrang tagal na
