2

1782 Words

عماد: لا تخافي انا أقولها في طريقي يلا عجلوا منال :طيب وراحت داخل لقت روان تلبس ليان العباية قامت راحت ساعدتها ولبسوا عبيهم وسندوا ليان عليهم ونزلوا عماد قام ينزل الدرج بسرعة قابل أمه وقال لها انو راح يوديهم أم إبراهيم: ياقلبي عليها أصلا من يوم شفتها وأنا أقول مومن قصد تجوع نفسها أكيد مالها نفس من التعب يلا روح بسرعة وخرج عماد للسيارة ودقيقة إلا هم في السيارة وليان مرة تعبانه وسخونتها عالية ونفسها ضايق الين شوي هديت ووصلوا البيت نزلوها روان ومنال وعلى دخلتهم شافتهم أم ليان أم احمد:ياويلي على بنتي إيش فيها أش صار روان :مافي شي ماما بس سخونة شوي وتخف منال :ايوا خالتي ما في شي خير بس إحنا نروح نوديها على غرفتها أم احمد :ياحبيبتي ياليون يلا أنا أساعدكم ليونة حبيبتي تقدري تطلعي الدرج ليان ومن كثر التعب صوتها بالقوة طلع:ا .. .. يو .. ة اخذوها بدلولها ملابسها ولبسوها بيجامة وحطوها ع السرير وحطولها كمادات باردة وتركوها نايمة مرتاحة كل دا صار وعماد تحت ينتظر خرجوا من الغرفة ومنال قالت :يلا خالتي سلام عماد تحت ينتظرني أكيد أتأخرت عليه وراح أتصل اتطمن عليها انتبهوا عليها وإذا تعبت اكتر ودوها المستشفى وترا ياخالتي ليان ماأكلت ولا شي من يوم ماجات عندنا>>>فتحت خط على بالها أمها.....هههههه روان وهيا خايفة على أختها : أي والله ما رضيت تأكل ولا شي تقول ماليها نفس شبعانة أم أحمد:ياحبيبتي ياليون إنشاء الله تقومي بالسلامة يالله يامنال لاتوصي على حريص أنا احرص على بنتي من غيري وسلمي لي على أمك واشكري لي عماد بدل عني ومشكورين منال :لا شكر على واجب هادي ليونتي حبيبتي يلا مع السلامة ونزلت منال وراحت الين السيارة ولقت عماد جالس وحاط رأسه ع الدر **ون فتحت منال الباب:سلام رفع عماد رأسه ورد السلام: وعليكم السلام ها خير أش صار ع البنت منال :لا ما فيها إلا الخير بس شوية سخونة ان شاء الله تعدي ع خير عماد:ان شاء الله منال : ايوا تسلم عليك خالتي وتقلك مشكور وما قصرت عماد:الله يسلمها ما سوينا إلا الواجب ومشوا ع البيت ولمن وصلوا راحوا أتعشوا لكن منال وعماد ما تعشوا مالهم نفس بعد اللي صار لحبيبتهم اليوم الثاني الساعة ثمانية الصبح صحيت ليان بصعوبة لان السخونة خلت جسمها مرة دايخ ولفت نظرها في الغرفة مالقت أحد وشوي جات روان وشايلة معها صينية الفطور روان :صباح الخير ياأحلى آخت ها اخباارك ليان :شوي أحسن بس ماني قادرة أتحرك جسمي مرة خملان روان: لا تتحركي خليكي نايمة وكل شي يجي لمك وشوي أم احمد جات وباست ليان على خدها وقالت :سلامات ياأحلى ليون كدا خوفتي آمك عليكي يلا قومي وافطري ليكي اكتر من يوم ما أكلتي شي حتموتي نفسك كدا يلا قومي ومسكتها من يدها وجلستها وبدأت فيها أنها تأكل الين رضيت تأكل لقمتين وقالت :بس خلاص ما أبغى شبعت أم احمد: بلا شبعتي بلا كلام فاضي قومي كلي وبعدين اتحممي عشان تنشطي حرام كدا تجوعي نفسك وجا أبوها اللي لمن جا من عمله وعرف إيش صار لها جا الين عندها في الغرفة لقاها نايمة اتطمن عليها وراح دخل عليهم:صباح الخير ع الحلوين الكل:صباح النور أبو احمد: ها كيف حال ليونتنا عساها سالمة إن شاء الله ليان :الحمد لله أحسن من أول أم احمد :ها يابو احمد رايح الشركة ابواحمد :أي والله ما رحت بدري عشان اتطمن على ليون وبما إني اتطمنت عليها فانا رايح تأمروا على شي أم احمد: سلامتك ابواحمد :يلا مع السلامة وانتبهي على نفسك ليونة وراح باسها من رأسها هيا وروان وخرج وعلى خرجته دخل احمد احمد (واحد فلآوي بقوة يشبه أخواته ليان وروان عيونه عسلي وشعره بني فاتح وفيه شوية دبدبة يخقوا عليه البنات بس ما يعطيهم وجه ):ادلع ياكايدهم ادلع ياكايدهم ها كيفك ياكايدتهم عساكي بخير ليان :الحمد لله تمام احمد:لا اوصيكي يارونا انتبهي على أختك اوكي روان :أنت وهيا تأمروا أمر أحمد :يلا سلام ياأحلى أخوات وأم بالدنيا الكل ضحك :هههههه سلام وقعدت الام وبنتها روان يحاولوا في ليان تاكل الين اكلت بالغصب في بيت أبو ابراهيم عماد مسكين الحب قتله**حلوة الحب قتله*_^*** ما قدر ينام الين الساعة صارت تسع قام راح يصحي أهل البيت أو بالأصح يصحي منال عشان تشوف أخبار ليان خرج من غرفته قابل منال صاحية ومبين عليها مانامت كويس راح لعندها عماد :هلا بمنول كيفك بعد أمس منال :الحمد لله تمام بس ابغى اتطمن عليها عماد:طيب اتصلي عليهم منال:عيب الساعة عشرة مرة بدري عماد:موعيب ولا شي هادا بيت خالتك وعمك وانتي ما بتتصلي لفضاوة انتي بتطمني على بنت عمك موكذا منال :صح كلامك اجل حتصل قامت منال وجابت التلفون واتصلت ثالث رنة وترد روان منال :الو السلام عليكم روان :هلا وعليكم السلام منال :هلا روان كيفك وكيف حال ليون روان :الحمد لله ما فيها الا العافية بس شوي سخونة وتروح منال :ما دام كدا الحمد لله طيب هيا صاحية روان: ايوا خذي كلميها منال :الو ليونة كيفك حبيبتي ليان بصوت تعبان :هلا الحمد لله كيفك انتي منال :تمام دامك بخير ليان :ياقلبي عليكي اسفة ع اللي صار أمس منال :لا ياحبيبتي لاتتأسفي كل شي يهون لأجلك...بس أهم شي تعيدوا الجية الحلوة بس ماتخربيها ليان:ان شاء الله من عيوني...ههههه وكملت المحادثة الين نست ليان تعبها وكل هادا الوقت وعماد يسمع يضحك لضحكهم ما شي معاهم ع الخط الين قفلت منال السماعة عماد:ها كيفها بنت العم منال :لا مافيها الا الخير كلمتها زي الحصان عماد :اهب عليكي قولي ما شاء الله لا يصير بالبنت شي منال :ول ماقلنا شي ما شاء الله ارتحت عماد:ايوا خلاص اسمعي اشوف المرجيحة كأنوا احد جلس عليها ولا كانت هيا من أول مهجورة *هادي كلها قصة مألفة عشان يتأكد ان اللي شافها ليان ولا روان مع انو شبه متأكد انها ليان* منال :ايوا هادي ليونه تموت في المراجيح راحت امس وركبت قبل ما تطيح علينا يمكن المرجيحة هيا اللي قلبت لها بطنها عماد:اها طيب يلا سلام تبغي حاجة أنا خارج منال:لا سلامتك في بيت أبو ابراهيم ع الغدا اجتمعت العائلة أم ابراهيم :ها منال شخبارها ليان كلمتيها منال :ايوا ماما كلمتها شوي تعبانه بس أحسن من امس إيمان( هادي البنت الله يعين اللي بياخذها تتذمر على كل شي شوي مغرورة شعرها بني فاتح مايل للشقار سمرا بس مو مرة جسمها عادي بس في النهاية تتغير):البنت هادي تتدلع كثير طيب تعبت شوي ما صارت أروى( بنت هادية طيوبة حكيمة):انتي شفيكي ع البنت ما سوتلك حاجة هيا في حالها وانتي في حالك والله انها عسل تنحط ع الجرح يبرأ منال :هادا الكلام الصح حبيبتي انتي إيمان :والله أنا هاذي البنت ما حبها منال :انتي من متى تحبي أحد أصلا أم ابراهيم :خلاص يابنات اتغدوا وبلا صياح ع الغدا سموا بالله عماد كل مرة يسمع المديح عنها يضيع في عوالم كثيرة في العصر كانت ليان قد أتحسنت وصارت صحتها أحسن قامت اتحممت وبعدين اتصلت بصديقتها المقربة رغد نبذة عن رغد(بنت حبوبه صديقة ليان من الابتدائي بيضا وشعرها اسود قصير وعيونها سودا على رمادي شخصيتها تشبه لليان فيها حكمة ماشاء الله تستفيد منها ليان كتير في قصتنا ) دقت ليان وانتظرت ...... ....:الو ليان :الو هلا رغودة حبيبتي كيفك وحشتيني *وكان لسى باين على صوت ليان التعب رغد :هلا ليونة أنا تمام وانتي كيفك اشبوا صوتك متغير عسى ماشر ليان :أنا الحمد لله ما فيا شي بس شوية سخونة رغد :سلامتك حبيبتي طهور ان شاء الله ليان :كيف حال مامتك رغد:الحمد لله بخير وقعدوا يتساءلوا عن الحال والأحوال ويدردشوا شوي الين قفلوا ..................... ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ **((...الجزء الثالث...))** عدا الأسبوع ما فيه شي جديد واتفقوا العوائل الأربعة بان يجتمعوا قبل ما تبدأ الدراسة في بيت أبو سلمان العم الكبير يعني في بيت أشواق عضوة من أعضاء شلة بنات العائلة المكونة من (ليان وأشواق ومرام ومنال وروان طبعا) ويوم الجَمعة الي كانت يوم الخميس نبدأ بملابس الشلة بما انها جمعة عائلية كبيرة تنتهي بعشوة ليان ..كانت لابسة تنورة بيضا تحت الركبة بشوي وبدي سماوي خيط ...ولابسة صندل سماوي ربط......ومستشورة شعرها وفاردته روان ...كانت لابسة برمودا اسود وتي شيرت رصاصي ...ولابسة صندل رصاصي بكرستال أسود...ورابطة شعرها ذ*ل حصان مرفوع . منال ...كانت لابسة بنطلون رمادي طويل معاه بلوزة بدون اكمام صفرا ...ولابسة صندل رمادي فيه وردة صغيرة صفرا....ولابسة في شعرها ربطة صفرا ومسوية كيرلي أشواق...كانت لابسة تنورة بني لنص الساق وبلوزة بيج كم حيران ....لابسة صندل بكعب قصير شوي لونه بيج .....لامة نص شعرها بشباصة والباقي فاردته.. مرام....لابسة بنطلون أبيض طويل....وتي شيرت وردي وفوقه سديري رسمي أبيض ...ولابسة صندل وردي ....وشعرها مستشورته نبدأ بأحداث الجمعة أول العائلات وصولاً عائلة أبو احمد واستقبلوهم وبعدين باقي العائلات أم سلمان :يأهلا بيكم نور البيت بوجودكم من زمان عن هاذي الجمعات والله ام احمد :منور بيكم ياحبيبتي كيفكم انتوا شخباركم شخبار العيال ام سلمان:الحمد لله بخير بشوفتكم ام ابراهيم :الله يسلمك والله قلنا نجتمع قبل ما تبدأ المدارس وننشغل وما نتجمع الا وين ووين ام عبد العزيز :أي والله ما صدقنا تجي الإجازة و بعد اسبوعين الله يعين(يعني حتبدأ المدارس) الحريم:أي الله يعين ام احمد :كيفك نوف وكيف حال بنتك مها من زمان عنك نوف (في حالها ما تتدخل في أحد طالعه على زوجها بس هيا حلوة):الحمد لله كلنا طيبين يا خالتي ام أحمد:وكيفك انتي يا هالة وحشتونا والله انتو وعيالكم هالة (بنت جميلة وخجولة تحب أهلها وزوجها شعرها لونه أ**د وعيونها رمادي وبيضاء جسمها عادي ماتدرس ولا تشتغل): الحمد لله انتي أكتر ياخالتي وقعدوا يسولفو نترك الحريم ونروح عند البنوتات البنات متقسمين مجموعتين المجموعة الاولى (ليان_ روان_ أشواق _مرام _ منال) (البنات الكبار(إيمان _لينا_أروى _رنا _بشاير مهيب موجودة ماتبغى تجي تحججت تروح عند صديقتها واهلها رضيو) نجي عند المجموعة الاولى: أشواق( بنت حساسة مرة وتحب الناس أكتر من نفسها اجتماعية تكرس حياتها في مساعدة الآخرين سواء كانوا يستاهلو أولا حلوة فيها جاذبية تحبها لمن تشوفها على طول بشرتها بيضاء على سمار شوي نحيفة وشعرها أ**د كيرلي زي ميريام فارسي عيونها سود دايما تشوفها مهمومة بسبب ماهي تفكر في الناس وياريت تغير صفتها ذي) :مرررررررررة وحشتني دي الجلسة من زمان عنها مرام(( نحيفة بيضا شعرها أ**د طويل عيونها رمادي خجولة بس مو مررة فلآوية وتحب تسبح وتسرح هههههه )):حتى أنا والله منال :أنا ماوحشوني الا مرام وأشواق أشواق :ياحبيبتي انتي مرام:الله يخليكي لينا حتى انتي وحشتيني بس قوليلي ليه ليان وروان ما وحشو كي ؟ أشواق:ايوا ليه منال :والله ما صدقوا أمي أخت أمهم كل يوم ناطين بيتنا روان :أيا اللي ما تستحي هيا مرة وحدة وكانت الأسبوع اللي فات وانتهت بتعب ليان وكيفنا بيت خالتنا وإحنا حرين ليان: تعالي تعالي مين اللي قال تعالوا عندي روان: انا طفشانة ها قوليلي مين منال :خلاص خلاص قمتوا عليا اسفة امزح وحشتووووووووووني مرررة ليان:ايوا ايوا اتحايلي بس ما عليه نعديها المرة دي روان: وان أتعادت مرة تانية ليان :مراح تشوفي شي طيب منال:تخوفوا وانتوا تكملوا كلام بعض يكفي إشكالكم زي بعض اسفة ماعيدها كيف اعيدها بعد التهديد الثنائي دا البنات ضحكوا عليها:ههههههههههه مرام:أقول أش سالفة تعب ليان روان :لا مافي شي بس كانت البنت مسخنة علينا مرام :اها أشواق:بنات إيش رايكم نطلع غرفتي ونفلها فوق أحس هنا كتمه ليان :أي والله يالله منال:طيب وجو طالعين الا ليان:بنات ابغى أروح اجيب موية واجي وراكم مين ييبغى منال :محد يبغى روحي واحنا فوق نستنا كي ليان :اوكي وراحت ليان متوجهة للمطبخ وهيا رايحة نادتها نوف نوف:ليونة حبيبتي ليان :نعم نوفا نوف :معليش ممكن تاخدي مها وتعطيها موية مادام انك رايحة المطبخ ليان :اوكيه من عيوني*وأخذت ليان مها وراحت المطبخ

Free reading for new users

Scan code to download app

App Store Google Play

Facebookexpand_more