JAMILLAH POV.
Hidden Paradise Island.
SIX o’clock in the morning.
Makapigil-hininga ang ganda ng tanawin. Lalo na ang pagsikat ng araw—parang abot-kamay ko lang sa sobrang laki at maliwanag. Ngayon ko nauunawaan kung bakit gusto ni Ninong na ganitong oras kami makarating dito. At kaya pala, kahit sobrang mahal ng membership sa lugar na ito, marami pa rin ang nagpupunta. Hindi naman talaga nakakapanghinayang, lalo na kung ganito kaganda ang makikita. Hindi lang sa pangalan, kundi sa makatotohanan—isang tunay na paraiso.
Lumingon ako at nakita ko si Ninong na kausap ang isang lalaki. Ayon sa suot nito at earpiece, staff ito ng isla. Nagbibigay siya ng mga instruksyon at may iniabot na paper bag.
Tinalikuran ko na lang sila at muling iginala ang mga mata ko sa paligid.
Ibinuka ko an
