MATINDING ASARAN
JAMILLAH POV.
KAHIT ipinaliwanag sa akin ni Ms. Princess Raccia ang dahilan kung bakit umalis si Ninong Ruins nang hindi man lang nagpapaalam, hindi pa rin maalis sa dibdib ko ang inis at sama ng loob. Hindi ko nga alam kung kanino ako magagalit, sa kanya ba, o sa sarili kong mga magulang.
Anim na buwan siyang ikinulong, pinahirapan, at muntik nang mapatay. Ngayon, pagkatapos ng lahat ng iyon, sila pa rin ang unang lalapit para humingi ng tulong?
Dalawang araw na ang lumipas mula nang umalis sila, ngunit hanggang ngayon, wala pa rin akong naririnig na balita. Hindi na ako mapakali, ang kaba at takot sa dibdib ko ay lalo pang lumalala sa bawat oras na dumaraan.
“Ms. Jamillah, magkakasakit ka lang sa kakaisip kay Ruins. Babalik din sila kapag tapos na ang misyon,” wika
