Nakauwi rin ako ng mga hapon dahil may rumesponde na at inalis ang puno na nakaharang. Bago rin ako umalis ay inalis ko ang damit na pinahiram sa akin. Balak ko sana na labhan na muna bago isauli pero mukhang ayaw naman ako paalisin habang suot ko ang damit na ipinahiram niya. Kahit medyo basa pa ang damit na isinampay ko ay isinuot ko na lang ulit, pagdating sa bahay ay maliligo na rin naman ako.
Hindi na ako pumayag na magpahatid kay Coco pero mapilit siya. Nakasunod siya sa akin hanggang sa makalabas ako ng bahay nila. Bahagya pa na umuulan kaya may hawak-hawak pa rin siya na payong.
Nang nasa tapat na kami ng apartment ko ay hinarap ko si Coco. Nakatingin lamang siya sa akin, tila naghihintay ng aking sasabihin kahit na hirap na hirap niya naman akong maintindihan.
Ngumiti ako sa
