"Sinong kumuha?"
"Hindi raw alam ng informant natin. Ang sabi lang... may dumating na convoy. Tapos may kasamang abogado at isang lalaki."
Hindi na kailangang sabihin pa ang pangalan. Sabay-sabay silang nagkatinginan. Iisa lamang ang pumasok sa isip nila.
"Si Sir Glenville Elizondo."
Natahimik ang grupo. Isa sa kanila ang napamura.
"Damn it! Paano natin ito ipapaliwanag kay Ma’am Marika?!"
"Malalagot tayo nito, Boss!" tila kinakabahang pahayag ng isa sa kanila.
Huminga nang malalim ang lider. "Back to the van. Walang gagalaw. Hindi tayo puwedeng magkamali. Dapat ay pag-isipan nating mabuti kung ano ang susunod nating gagawin."
Pagkasakay nilang muli ay agad niyang inilabas ang disposable phone. Ilang ring lamang ang lumipas bago muling sumagot si Marika.
"Wow!” natutuwang sagot ni
