Third Person POV
Abalang-abala si Glenville sa labas ng ICU. Mula nang dalhin si Don Georginio sa ospital ay halos hindi na siya nakaupo nang maayos. Paulit-ulit siyang kinakausap ng attending physician, pinapapirma ng kung anu-anong dokumento, at tinatanong tungkol sa medical history ng ama niya.
Kahit ang mga tawag mula sa board of directors ng Elizondo Group ay isa-isa niyang tinanggihan.
Sa unang pagkakataon matapos ang maraming taon... hindi negosyo ang nasa isip niya. Kundi ang buhay ng kaniyang ama.
"Mr. Elizondo." Napalingon siya sa doktor. "We need one of the immediate family members to process these additional consent forms."
"I'll do it."
Hindi na siya nagdalawang-isip. Mabilis niyang inilapag ang cellphone niya sa maliit na mesa sa tabi ng higaan ni Don Georginio bago su
