Isang oras pa bago matapos ang huling klase ni Sir Jayson Amaneo kinabukasan nang makita ko na naman si Jhay L na palabas ng campus.
"Tol uuwi ka na naman?"
"Oo palabas na ko, Binalikan kita sa 8th floor sa Chemistry Lab kahapon wala ka naman e. Kaya umuwi na rin lang ulit ako hindi na ako naghintay. Hindi natuloy lakad namin ni Shiela kahapon pero ngayon confirmed na."
Naisip ko hindi nga ako makikita ni Jhay L kasi iyong nakakubli sa mga magdadaan iyong parteng inupuan namin ni Taski sa bakanteng kwarto kahapon.
"Paano si Sir Jayson, hindi ba pupuntaham natin siya ngayon? Baka lalong magalit iyon Tol kapag hindi na naman tayo nagpunta ngayon."
Nagkibit-balikat lang si Jhay L. Wala man lang akong makitang takot o pagkabahala sa mukha niya. Samantalang ako marinig ko lang ang pangalan
