Baby, youre mine

chapter 19

Gusto na niyang bawiin ang

kanyang sinabi na ayaw niyang maging kamukha ni Rick

ang baby niya dahil talagang nakakagigil sa ka-cute-an ito

noong sanggol.

"He's very cute, right?" wika ni Don Marcelo.

Umangat sa matanda ang tingin ni Lindy. Silang dalawa

lang ang nakaupo sa harap ng table sa malawak na veranda

sa ikalawang palapag ng mansiyon. Kasalukuyang naliligo

si Rick kaya naiwan silang dalawa ng matanda.

Kinabahan pa nga siya na maiwang mag-isa sa

presensiya ng don dahil baka kung ano-ano ang itanong

sa kanya at wala siyang maisagot, o kundi naman kaya ay

may masabi siyang makapagpapabuking sa palabas nila ni

Rick. Ngunit ang bilin sa kanya ng binata noon ay huwag na

lang niyang sagutin ang mga bagay na wala siyang alam. O

kung may kailangang ihabi ay gawan niya ng paraan. Basta

lamang kailangan nilang maging consistent sa mga kuwento.

Tumango siya sa sinabi ng matanda.

"When I found out that my daughter was pregnant

without a father when she came back from the States, I got

really mad and I wanted to kill the bastard who knocked

her up," pagkukuwento ng don. "Ilang buwan na tinikis ko

si Gemma. I was so disappointed with her. Binigo niya ako

Napakataas pa man din ng pangarap ko para sa kanya. Kahit

nang ipanganak ni Gemma ang bata, hindi ko sinilip ang

anak niya dahil para sa akin ay isa iyong bunga ng kasalanan

at habang-buhay na ipapaalala niyon sa akin ang pagkasira

ng pangarap ko para sa aking anak. But when I saw the baby

he looked like an angel. Natunaw ang galit sa puso ko. Na-

realize ko na walang kasalanan ang bata. Pinatawad ko na

rin si Gemma. Hindi ko kayang tikisin ang sarili kong anak

Tumango-tango si Lindy. Naikuwento na sa kanya ni

Rick ang tungkol sa bagay na iyon.

"Almost the same case happened again after thirty-

one years," patuloy ng don. "This time, kay Rick naman.

Itinakwil ko siya dahil sa naging matinding kasalanan niya

na hindi ko na nakaya pang palampasin. Alam mo naman

siguro na maloko siya sa babae at hindi seryoso sa buhay.

Nakuha niya ang katangiang iyon mula sa kanyang ama. I've

given up my hope that my grandson would change. Until

I learned that he is already married and having a baby. A

baby." Ngumiti ang don sabay tapon ng tingin sa tiyan niya.

"You see, there's the common denominator. Isang baby na

naman ang nakapagpatunaw ng puso ko. So, I therefore

conclude that babies are my waterloo."

Ngumiti si Lindy nang maluwang. Ngunit ang isip niya

sa dahilan kung bakit nagawang itakwil ng don

ay naglalaro

ang apo nito. Rick had not told her about it yet. Hindi niya

alam kung sinasadya ng binata na hindi sabihin sa kanya

ang tungkol sa bagay na iyon.

I'm so happy that my grandson has found a woman

like you. Tinanggap mo ang pinagmulan niya at ang

nakaraan niya sa kabila ng pagiging disente mong babae.

Nagawa mo siyang pagbaguhin. To be honest, I thought

Rick was hopeless. Ang akala ko ay hindi na siya kailanman

magmamahal ng isang babae. That's why I'm so thankful he

found you, hija."

"Nagpapasalamat din po ako na natagpuan ko ang apo

nyo," magiliw na sabi niya. "He is like a hero to me. Ilang beses

niyang iniligtas ang buhay ko." Hinimas niya ang kanyang

tiyan. O ang buhay ng anak ko... "Kung hindi dahil sa kanya,

wala na siguro ako sa mundong ito. Iyon siguro ang dahilan

ko na kung bakit hindi ko tiningnan ang negatibong parte ng

pagkatao niya. If he's able to save a life, that only means he's

a good person. Your grandson is a good person, Grandpa,

despite his reputation with women. At naniwala ako na

puwede siyang magbago kung may babaeng magbibigay ng

ng tunay na pagmamahal sa kanya. At... ako ang babaeng iyon."

Tila siyang-siya ang don sa narinig mula sa kanya.

Hindi niya rin inaasahang makakapagsalita siya ng ganoon.

May hawig naman sa totoo ang mga sinabi niya, maliban

sa pinakahuling pangungusap. Naniniwala naman talaga

siyang mabuting tao si Rick. Sadya nga lang napakapilyo.

Siguradong marami nang babae ang nagmahal nang totoo

sa binata ngunit wala itong minahal ni isa.

She felt really sorry for Don Marcelo. Dahil mukhang

hindi mangyayari sa totoong buhay ang gusto nito

mangyari sa apo. Mukhang walang pag-asang magmahal

ng isang babae si Rick.

"You don't know how your presence and your child

have make me happy, hija. I feel really fulfilled now that

Rick has changed and has his own family. And I'm about to

have a great-grandson that I thought would never happen

anymore. After I see Ezekiel, I can already die in peace. Hindi

na ako matatakot na muling atakihin sa puso dahil lahat

maiiwan ko ay nasa maayos nang kalagayan."

Itinago ni Lindy ang guilt na nadarama dahil sa

panlilinlang sa don. Gusto na lamang niyang isip

na napapasaya niya ang matanda sa kasalukuyan

natutulungan niya si Rick na makasama ang lolo nito sa

maaaring nalalabing panahon ng matanda sa mundo.