Baby, youre mine

chapter 10

Huminga muna nang malalim si Rick bago nagsimulang

magsalita. "One year pa lang akong nandito sa States. Sa

Pilipinas talaga ako nakatira. As you probably know, I am

half American-half Filipino. My mom was a Filipina and my

dad is American. My mom died in a car accident when I was

barely three. I do not know who my father is. I don't even

know his name. He left my mom when she got pregnant

and never showed up again. Hindi ko alam kung buhay pa

siya. So I was like an orphan when my mom died. However,

I was raised by a rich grandfather-mom's dad. He's a

business tycoon in the Philippines. I actually worked in

our telecommunications company as one of the directors.

But last year, I got fired because I made a huge mistake that

compromised the image of our company. Galit na galit ang

lolo ko sa akin. He said he did not want to see me anymore.

So I packed my things and came here.

"But just a few days ago, I heard the news from a friend

that my grandpa had a heart attack. Fortunately, naka-

survive siya. But my grandpa is eighty-five. And his next

attack could be fatal. At na-realize ko na ayokong dumating

ang oras na mawala siya na may galit pa rin sa akin. I don't

want him to die without me around. You know what I'm

saying?"

Kumurap-kurap si Lindy habang nakatingin kay Rick.

Medyo namangha siya sa ipinagtapat ng lalaki tungkol

sa tunay na pagkatao nito. Bago rin sa paningin niya ang

nakitang lungkot sa mga mata ng binata. Rick was always

happy. Hindi niya inakalang ganoon pala ang istorya ng

buhay nito.

Bumuntong-hininga si Rick. "I grew up without parents

and my grandpa wasn't always around for me because

he was too busy working. I was raised by a nanny. Kaya

siguro ako naging pilyo at pasaway hanggang sa paglaki

ko dahil wala akong mga magulang. My grandpa doesn't

like my being easygoing and my reputation with

women

Palagi niyang sinasabi sa akin, kailan daw ako magtitino

sa babae? Ilang beses na niya akong inireto sa kung sino

sinong babaeng gusto niya para sa akin pero hindi siya

nagtatagumpay. He wants me to get married and be a

responsible husband and father. Iyon daw ang pangarap

niya para sa akin."

Nasilip ni Lindy ang guilt sa mukha ni Rick.

"Ayaw raw niya akong matulad sa ama ko na

iresponsableng lalaki," patuloy ni Rick habang nakatingin

sa kawalan.

"So... why are you saying all those things to me?" tanong

niya pagkatapos ng ilang sandaling katahimikan.

Mataman siyang tiningnan ni Rick. "Because I need you"

"Huh?" naguguluhang sambit niya.

"Remember when I told you that when the time comes

that I'd need your help, obligado kang tulungan ako?"

Dahan-dahan siyang tumango habang nakakunot ang

noo.

"I need your help now. I need you." Bumaba ang tingin

ni Rick sa tiyan niya. "And your baby."

Nanlaki ang mga mata niya. Hinawakan niya ang pitong

buwang tiyan niya. "What do you want from my baby?"

Bumuntong-hininga ang lalaki.

HABANG naglalakad si Lindy sa gilid ng daan ay nasa

isip pa rin niya si Rick at ang kalokohang gusto nitong

mangyari. Gusto ng binata na magpanggap siyang asawa

nito at pati ang anak na nasa sinapupunan niya ay gusto

ring pagkunwariing anak nito at ipakilala sila sa lolo nito.

Nagipit lamang daw sa sitwasyon ang binata. At hindi

raw nito maiisip ang ganoon kung hindi tumawag ang lolo ng

binata na hindi nakausap nang isang taon.

May isang empleyado raw na pinapunta si Don Marcelo

Pelaez sa Weschester para hanapin si Rick; sa dating

condominium building na tinitirhan ng binata ay doon

din nakatira si Angie. Kay Angie nalaman ng empleyado

don na "may asawa" na si Rick. Sinabi ng taong iyon sa

lolo ni Rick ang natuklasan. Ibinigay raw ng best friend ni

Rick na si Mart ang mobile number ni Rick sa lolo nito nang

magpumilit ang don na makuha ang numero ng apo. Kaya

tumawag ang matanda kay Rick ay dahil inakala ng don

na tumigil na sa pagiging babaero at nagbago na ang apo.

"You wouldn't understand how I was feeling at that

moment, Lindy," naalala pa niyang sabi ni Rick. "Noong

sabihin ng lolo ko na pinatatawad na niya ako at natutuwa

siya na nagbago na ako, there was that surge of overwhelming

relief and joy in my chest. Kaya hindi ko na nai-correct ang

nakarating na balita sa kanya. Sabi pa niya, bakit daw

kita itinago? Bakit ko raw inilihim na may babae na akong

sineryoso finally at magkakaanak na ako? He should have

known earlier, he said. He sounded so excited to meet you.

He seemed so happy. Noon ko lang narinig na natuwa nang

ganoon sa akin ang lolo ko. Kaya masisisi mo ba ako? I don't

want to disappoint him by saying that the news that reached

him isn't true. Baka makaapekto pa sa puso niya yong

sobrang saya, pagkatapos ay biglang ilalagpak sa matinding

disappointment at frustration. At ako pa ang maging dahilan

ng fatal heart attack niya."

Nauunawaan ni Lindy si Rick kung bakit hindi nakayang

itama ng binata ang maling akala ng lolo nito. Kaya lang ay

napakaimposible at absurd ang gusto nitong mangyari. He

was asking her to go with him to the Philippines to meet his

grandfather and pretend that she and Rick were a happy

couple who were about to have a child.

Hindi siya pumayag. Kaya naman ilang araw na siyang

kinukulit ni Rick. Palagi niyang nakikita ang binata na

nakaabang sa labas ng kanyang pinto para pahinuhurin siya

sa gusto nitong mangyari. He even offered her money. Lalo

lang siyang hindi pumayag dahil nainsulto siya.

Sinabi pa ni Rick na ito ang magpapaaral sa kanyang

anak hanggang kolehiyo. Pero sinabi niyang kaya niyang

pag-aralin ang kanyang anak.