فنجان قهوة

16

الخاينه

هناء كانت تسولف عن فهد بحسن نيه عن شهامته ومواقفه الرجوليه معها بكذاا موقف ولمن اسئلتها ريناد عن اسم الرجال اللي مفتونه فيه قالت سمعتهم بالمطار ينادونه فهد وغير كذاا هو كان بالشاليه اللي كان شعره لكتوفه ولابس بلوزه سوداء ويقود الجت اسكي ,ريناد تاكدة من الوصف انه هو نفسه فهد

الشباب صحصحو وقررو انهم يطلعون مع يزيد ويتغدون براا مثل كل مره

في المستشفى ..

ريوف دخلت عند خالد

غرام ولطيفه ينتضرونها بالممر طاحت عيون لطيفه على الشخص اللي النيرس تمشيه بين الممرات

خليل ايش اللي جابه هنا وشو اللي اشوفه من متى وكيف وان اللي اقول انه نساني اثاريه مريض وش اسوي كيف اروح له خاطري اتطمن عليه

وفكرت انها تبعث له باقة ورد من المحل اللي تحت بس اول تبغا تعرف رقم غرفته وتتبعة النيرس اللين دخلوا لغرفه المخصصه لخليل

غرام ..انا عطشة خلينا نروح للكفتيريا

لطيفه ..هاه لا روحي انتي انا بفتر بأقسام المستشفى

غرام..وشو كلها مثل بعض وريحة ديتول

لطيفه ..معليه خاطري افتر

غرام ..بهواك نلتفي هنا اوكي

لطيفه.. اوكي وراحت لطيفه لمحل الورد وسوت اللي براسها

في النادي..

تعرفو البنات على بعض

تقى ,رولا, أثير, ريوف ,غرام, لطيفه

تبادلو السوالف والضحك واتفقوا على اعادة الاللقاء وبعد الغداا كلن مشى في طريقه

عند خليل..

هناء..ماما نبغا نتمشى ملينا من الفندق للمستشفى

ام خليل.. انتي شايفه حالت اخوك لمن يطيب يمشيكم

نسرين ..طيب خلونا نروح عند اهل صاحبه ونتسلى شوي

ام خليل ..اذا كذا مو مشكله كلمو البنات واذا ظروفهن تسمح روحو عندهو ساعه وارجعو

طق باب الغرفه ودخل باقة ورد كبيره والوانها تفتح النفس

اخذتها هناء وحطتها على الطاوله

لمن طلع خليل من دورة المياه وانتو بكرامه وجلس على سريره شاف الباقه ,,الله من مين هاذي

هناء..ماادري دخلتها النيرس وحطيناها هنا بس شوف هذا كرت واعطته خليل

خليل..البتسامه شقت وجهه لمن قرا الأسم وبنفس الوقت تعجب معقوله

كيف درية عني وكيف وصلت الباقه لهنا

نسيرن ..الله الله منين هالباقه اللي خلتك تنبسط كذاا

خليل..هاذي من صديق عزيز علي بس انا مستغرب كيف وصلت وهو بالسعوديه

هناء..امم كل شي اللحين صار سهل تلاقيه وصى محل ورد مغربي ودفع عن طريق رقم الحساب والشغلات هاذي

خليل,,جايز وسرح في لطيفه

في بيت جدة خالد..

انصدمت الجده وبعد خالات خالد من اللي يسمعونه معقوله خالد ولد بنتهم بغيبوبه وبمستشفى المغرب وهم ماعندهم خبر وبعد ماطلعو ام عبدالله وام محمد وام ابراهيم ومريم من البيت تركو ريوف مع اهل امها

الجده ..ليه ياريوف ماعطيتنا خبر موحنا أهلك ولا خلاص توفت امك ونسيتونا

ريوف..لا والله ياجدتي بس انا بنفسي مادريت غير من قريب

الجده ..عذرك مو مقبول تجين انتي واخوك بدر وتجلسون اكثر من شهر هنا حتى سماعة التيلفون مارترفعونها

ريوف.قامت وحبة على راس جدتها وطلبت منها تعذرها وتسامحها

في هاذ الأثناء دخلت اثير المجلس وسلمت على الجده وحبة راسها

ريوف واثير كل وحده متفاجئه بالثانيه

الجده ..وش فيكن واقفات انتي وهي يلا اجلسن

ام زياد .. أثير هاذي ريوف بنت خالتك الله يرحمها تذكرتيها كنتو تلعبون سوا وانتو صغار

أثير..البنتين التؤام

ريوف..ايه وان اقول وحنا بالنادي ياربي هاذي البنت ماهي بغريبه علي طلعتي بنت خالتي

أثير..حتى انا وربي مشبهه عليكي وين زمان عنكن وين تؤامتك

ريوف..مسافره شهر العسل وبكره انشاء الله بيرجعون

أثير..مشاء الله ميروك عقبالك

ريوف..الله يبارك فيكي وعقبالك انتي بعد

الجده ..نوف الله يوفقها ويرجعها بالسلامه دقت علي واعزمتني بعرسها احسن منك يالقاطعه

ريوف..بجد عزمتك

الجده ..ايه اعزمتني بس خوالك الله يهيديهم ماطلعو لي فيزه بس مدامها بكره بتوصل بنسوي لها حفلة هنا ,أثير شوفي لنا وحده من القاعات الزينه

ريوف..جدتي خليها بعد يومين

الجده ..ليه ريوف تدريت بتصير توها راجعه من السفر يبغا لها ترتاح شوي ونضبطها بعدها نسوي الحفله

الجده ..خلاص بترك الترتيبات عليكم انتي واثير

في السفينه ..

صار شيء مو بالحسبان السفينه صارت محاصره من قبل غراصنة البحر

اهجمو على السفينه وغرضهم كل ماهو ثمين ثامر واللي معه حاولو يدافعون عن نفسهم بس لاحياة لمن تنادي

عبير..لمن شافت انو الوضع كذاا ماتت من الخوف كنا بثامر وصرنا بعصابه اكبر واخطر ثامر عرفنا مفتاحه وكيف اتعامل معه انا لازم انقذ ثامر لو حصلوا لأسلحه والفلوس اللي معه اكيد مراح يتركوننا

ثامر يحاول يخفي نضرات الخوف اللي اجتاحته لمن قربو من كبينته

حاول يهرب لكن وين المكان كله محاصر ,ينتحر كيف والبنت اللي برقبته حرام يتركها اكيد بياخذونها معهم لو حصلوا الأسلحه بالكبينه ’استجمع قوته وحاول يدافع عن نفسه وعن البنت اللي معه اكيد مراح يدخلون كل الغراصنه للكبينه بس شخصين او ثلاثه بقدر عليهم اقتلهم واتحصن انا وعبير بالكبينه واطلع المتفجرات واهددهم بأني بفجر السفينه باللي فيها

بس راحت مخططاته بمهب الريح دخل مع الغراصنه اللي بيفتشون كبينته وماحصلو شي وهو شاف عبير وبطنها منتفخ اتجه لها وجلس جنبها قرب منها وتن*د تنهيدة ارتياح وهمس لها وربي مراح انسى لك هالجميله

عبير..مو علشانك علشان نفسي ادري مااحد غيرك يقدر يحميني انت اخذت اللي تبيه مني بس الغراصنه مراح اقدر افك نفيس من قيدهم

تسمح تطلع علشان اشيل هاذي الأشياء من بين ملابسي

ثامر..لا لسا هم موجودين بالسفينه لمن يطلعون نشيلها سواا

عبير..وشو نشيلها سواا

ثامر..مراح اخوفك بس لازم تعرفين انتي شايله ببطنك متفجرات واي خطأ احتمال تنفجرين وتفجرين المكان هذا كله

عبير..والخوف اسرها والدموع اجتاحت عيونها ,,احـ لـ ف

ثامر..والله بس لاتخافين خليكي طبيعيه ولاتكثرين حركه

عبير..ياربي انا وش سويت بنفسي

ثامر..خلاص عاد مااحب اشوف ادموعك امسحيها وهدي اعصابك {{احلف صدقت يابو قلب حنين

عند الشاطئ او المرسى او الميناء اللي يعجبكم ..

سيارات اسعاف وشرطه وامن السواحل صيايتيهم تصدح بالمكان

ايش صاير هاذ اللي راح نعرفه بالجزء القادم ..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا احلل مسح اسمي من على الرواية ..

تجميعي : ♫ معزوفة حنين ♫..

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الجزء السابع والعشرين ..

عبيرغمضت عيونها وشاده اعصابها على الآخر

ثامر..خلاص شلتهم استرخي شوي مايسوى عليكي

عبير..فتحت عيونها وتن*دت تنهيده قويه اخيرا ,,هيه وشو مايسوى علي هاذي متفجرات مو***به

ثامر.. تدرين انو عندك عقل ينفع للأجرام تقبلين تكونين وزيرتي نغلب الدنيا هاذي كلها وتصير ملكنا

عبير..بسم الله علي ,ليه انت موناوي ترجعني لأهلي بضل اسيره عندك مدى الحياه

ثامر..وأنا مجنون افرط فيكي انا ماصدقت اني لقيتك رجعه لأهلك انسيها

عبير..ابتدت دموعها بالهطول تكفا ثامر رجعني لأهلي

ثامر..مستحيل انتي ملكي انا ,,ومو انا اللي يستغني عن ممتلكاته وبسرعه امسحي دموعك تدرين اني مااحب اشوفها بسرعه واللحقيني نشوف اوضاع السفينه ..

عند مرسى السفن ازدحام وصياتي اسعاف ,ريان وربعه لمن شافو الوضع كذاااتجهوا للموقع يشوفون ايش القصه

ريان ..انصدم من اللي يشوفه ابوه يبكي وامه حملوها لسيارة الأسعاف

اتجه لأبوه واخذه معه في سيارته وانطلقو مسرعين ورااء الأسعاف يبه وش صاير

يبه وش صاير وش فيها امي

عبدالرحمن ..ماادري كنا جالسين وماعلينا فجئه حست بألم بجنوبها وكل ما له الألم يزداد دقيت على الأسعاف والمصيبه انو بانزين اليخت خلص علينا وتاخرو خفر السواحل على مااسعفونا وزادة حالة امك بالسوء

على طاولة العشاء العايله كلها مجتمعه وعيونهم على تقى اللي بجد تشبه المرحومه جنى وكأنها هي

ريوف..بنات تصدقون انو أثير تصير بنت خالتي

غرام ..حلفي بذمتك

ريوف..ايه وربي انا بعد تفاجئت

تقى..كيف بنت خالتك وماتعرفينها

ريوف..لأننا من زمان مازرنا بيت جدتي هنا لمن نجي للمغرب بالأجازات جدتي هي بلحالها تجي تزورنا وغير كذاا انا ونوف من نجي هنا مانفضي للزيارات نطير ونهيص بالزنقات

رولا ..ههههههههه زنقه زنقه

لطيفه ..دار دار

ام عبدالله..تقى انتي امك سعوديه

تقى..لا خالتي مغربيه بس ابوي سعودي

ريوف..خافت انو ام عبدالله تسأل تقى هم من أي عايله وتنكشف السالفه بسرعه قالت ..يلا يلا بنات بسرعه أثير بتاخذنا لمكان روعه

غرام..بسم الله خلينا نكمل اكلنا

ريوف..لا لانكمل هناك المطاعم هناك اكلها خيال بسرعه قبل تتملي بطونكن

ام محمد ..ريوف يمه مايصير البنات معزومين عندنا ولزمن يكملون وجبتهن

رولا ..انعم الله عليكم وكثر الله خيركم حنا شبعنا

تقى..جاها اتصال من هناء واتفقت معها يمرون عليها هي ونسرين ويتمشون معهن واشرت لريوف انو عادي

ريوف..ايه عادي بس خذي العنوان مضبوط علشان نوصفه لسواق أثير

بالمستشفى..

طلع الدكتور من غرفة العنايه وين زوجها

عبدالرحمن ..انا يادكتور بشر خير انشاء الله

الدكتور ..الحرمه محتاجه غسيل كلى فورا وقع على الأوراق حاليا بنسوي الغسيل وانتو عملو جهودكم علشان تشوفون متبرع لأنو حالتها حرجه

في فينيسيا..

نوف..واو الجو هنا خيال الأنوار لمن تنع** على النهر تسحر

عبادي..بس مو مثل عيونك

نوف..فديتك حبيبي عيونك الحلوه

عبادي ..حبيبي جهزتي الأغراض علشان السفر

نوف..ايه حبيبي جهزتها وغفلت الشناط

عبادي..عزلتي اغراض المغرب عن اغراض السعوديه

نوف..شهقت بفرحه احلف,, يابعد عمري والله يعني بتخليني ازور جدتي في المغرب واتطمن عليها

عبادي..تذكر انها طلبت منه يويدها لجدتها في المغرب علشان تطمن عليها واستانس انها جات كذاا يعني ريوف ماخبرتها انو العايله كلها بالمغرب يلا نخليها لها مفاجئه جات حلوه

نوف..تأشر بيديها ناحية عيون عبادي عبودي وين سرحت نحن هنا

عبادي..وفيه انسانه غيرك سارقتن قلبي وعقلي وكياني

نوف..اطمرت بحضنه وحاوطة رقبته بأيديها عبودي احبك احبك احبـــــــــــــــــــــــــــــــــك

عند كناري الحب ..

رشيد ..حبيبي حجزة على المغرب بنسافر بكه جهزي اغراضنا

أمينه ..بفرح تتكلم جد يابعد عمري والله بس أختك شلون مو قلت انو بدريه وزوجها بجون لفينيسيا

رشيد..لا قررو يروحون دبي علشان العيال معهم

أمينه..وشو العيال معهم بشهر العسل

رشيد ..بدريه متعلقه فيهم وامي تعد المناحه اللي سوتها لمن ابوهم اخذهم عنده فلا تستقربين انها تاخذهم معها لأي مكان تروح له

أمينه ..يحليله حنونه الله يهنيهم وتوها بتقوم

رشيد ..وين قايمه

أمينه ..بجهز الشناط

رشيد تعالي اول نشوف المنضر الشاعري هذا من البلكونه ونشرب قهوه تركيه وبعدين انا وانتي نجهز الشنط مع بعض

أمينه..انت قلتها بتساعدني مو اذا جا ء وقت الجد نمت وتركتني بلحالي احوس

رشيد..هههههه وانا مجنون اخليك وانام بدق على الروم سيرفس يجيبون قهوه تبين حاجه معها

أمينه..امم لا الثلاجه مليانه بطلع لنا شوكليت

رشيد.. قرب منها ومرر ايديه على خدها واختلطة انفاسهم ببعض انتي احلى شوكليت بالدنيا ..

في دبي ..

وليد..نامو العيال

بدرية ..ايواا نامو

وليد.. موعارف كيف يبتدي السوالف معها ,وبعد فترة **ت "انتي سجلتي بالجامعه

بدريه ..ماسجلت

وليد..ليه

بدريه..ماجبة مجموع يدخلني واصلا من الأول ماخططت للدراسه

وليد..مسألة المجموع هاذي محلوله تيلفون واحد ونحجز لك مقعد بالجامعه بس انت يرغبانه بالدراسه

بدرية..عادي بس انت اذا تحب اني اكمل مو مشكله اكمل

وليد ..ياليت انا مااحب يقولون زوجة وليد مو جامعيه

بدريه.. خلاص ولا يهمك بس نرجع اسجل

وليد..امم وش رايك تصبغين شعرك اشقر فاتح

بدريه..فاتح اخاف مايناسب بشرتي

وليد..الا تخيلته بيطلع عليكي جناااان

بدريه..امم طيب بكره اروح للصالون اللي بالفندق واصبغه

وليد..توه بيدخل بالجد,قرب منها تدرين انك مره حللللوه ماامداه يكمل صاح راكان وبدريه قامت له بسرعه وتركت وليد ,,خخخخ,, وليد ولع ياربي ليه المقدمات ليتني داخل بالجد بسرعه لازم مقدمات يعني اخ اخ

بأحد البساتين {مااقدر على الفصحى ..

البنات مبسوطات واخر روقان سوالف وضحك وتعليقات على الرايح والجاي مرة طفله وبيديها ذرة

غرام ..الله ذره اشتهيتها منين جابتها هاذي

أثير تلاقين الكوشك وراء التله

غرام ..حلو بروح اشتري احد يبغى نعي

البنات.. لا

هناء..انا خاطري في ايس كريم

تقى ..قومي نروح نشتري

نسرين ..امم بنات موك انكن ناقصات وين البقيه

لطيفه ..ايه مشاء الله عليكي ناقصات ثلاثه نوف وامينه وعبير

رولا ..ليه ماجو معكن

لطيفه ..نوف وامينه بشهر العسل وعبير

قاطعتها ريوف..عبير جتها بعثه لكندى وسافرت

نسرين ..مشاء الله يبختها والله

عند كوشك الذرة..

ازدحام واختلاط ماعرفة غرام منين تتجه

يزيد..يحلوه تعالي من هنا

غرام ..راحت للمكان اللي اشر عليه يزيد

يزيد..بضحكه عاليه ..ههههههههههههه انتي ماصدقت شاب يناد*ك جيتي صاروخ

غرام ..انحرجت واحقدت عليه حركته اقهرتها

يزيد..**رتي خاطري خذي الذرة حقتي وانا بشتري غيرها

غرام..تصدق بهالوحده من البرص وتركته ومشت من غير ماتشتري وط

ول الطريق تتحلطم عليه

يزيد ..رجع لربعه وهو حده ميت من الضحك عليها

عند الشباب..

مبارك..بدر علامك يااخوي منت معنا

بدر..افكر في الحاله اللي وصل لها اخوي وكيف نقدر نعلاجه المسأله طولة

مبارك..صدقت وربي هم قالو مسألة وقت بس ويفيغ بس طولها

تركي..هو تحت رعاية الله ثم الأطباء بس اللي محيرني وشاغل بالي عبير بنت عمي ناصر وينها فيه مو على اساس هم مع بعض

مبارك..خالي ناصر يقول انها هنا بمسكن بالريف

فهد ..كيف قدرة تسافر مو هي عليها قضيه

مبارك..ماادري والله

تركي..طيب يزوجوني اياه واجلس معها بدل مهي جالسه بلحالها

بدر..ناضره بعصبيه ..انت شارب شي عبير زوجة اخوي

تركي..سلطان يقول زواجهم شكلي بس علشان هم مع بعض وعن الحلال والحرام ومدام اخوك بغيبوبه انا اتزوجها

فهد..تركي مو وقتك

تركي..وشو مو وقتي انا اتكلم جد

بدر..قام وتوه بيض*ب تركي مسكه مبارك اتركه عنك يارجال

بدر..ماتسمع وش يقول

مبارك..تركي تعوذ من ابليس وبلاها هاذي الأفكار

تركي..انت ليه كذا انانييين وماعندكم غاريه البنت بالحاله بالغربه وماندري وش يصي معها وانتو بس تفكرون بنفسكم خالد يمكن يطول ويمكن يموت بعد وش السواه يعني

فهد ..تركي واللي يرحم والد*ك ابلعها واسكت

مبارك ..كلكم اسكتو وغيرو الموضوع يزيد جاي ومو لازم تدخلونه بأمورنا الخاصه

فهد مسك تركي من يديه وطلب منه يتمشون مع بعض علشات يهدى الجو وياخذون يزيد معهم

عند كوشك الأيس كريم

هناء وتقى يحاولون يشترون مرو من جنبهم شباب مغربه وضايقوهم بالحكي

البنات طنشو بس الشباب تمادو وقربو من البنات وحاولو يتحرشون فيهم

اصرخو البنات ومن حسن حضهم كانو فهد وتركي ويزيد مارين من جنبهم

وتشابكو الثلاثي مع المغاربه وانتصرو عليهم وخر عنالسعودي لفار دمه يعجبك

يزيد..يكلم تقى ..انتي ايش جابك هنا

تقى ..بارتباك جينا نشتري ايس كريم

هناء ..انا اسفه لو كنت ادري انو بيصير كل هذا مكان طلبت منها نشتري

فهد ..حصل خير بس انتو مين معه جاين

هناء..مع البنات

تقى .. ريوف وبنات عمها

فهد ..اها يعني مامعكم رجال

تقى وهناء.. لا

يزيد..اجل شيلو عفشكم وتعالو اجلسو قريب جلستنا ولا امشو للبيوتكم افضل وافضل

تقى ..لا تونا جايين خلاص بطلب من البنات نجلس قريب منكم

اتجهو الشباب مع البنات ..

وكانت المفاجئه لليزيد لمن شاف غرام ..ياويلي طلعت من قرايب العيال

غرام..الله ياخذه طلع من ربع العيال لا وجالس قبالي شبح وجه

المغاربه جمعو ربعهم وحبو انهم ينتقمون من السعودييين ..

في المستشفى..

زياد وفواز حبو يعملون زياره لخالد ويتطمنون عليه

زياد..فواز اللبس هاذي وحط القبعه خبي شعرك {شعرك انتبهو لها زين

فواز..ليه !؟

زياد..بندخل العنايه ولزمن نلبس هاذي الأشياء

فواز ..طيب

ادخلو على خالد واحزنو كثير على حالته ولمن قربو يطلعون دخل عليهم ريان ,,سلمو عليه وجلسو مع بعض قرو قرآن على خالد ودعو له بالشفاء

وطلعو سواا ,,

دق جوال ريان ..وكان المتصل رولا تبلغه انهم بالبستان وقايمه هوشه كبيره بين المغاربه والسعوديين ,,تغير لون وجهه ولمن عرفو فواز وزياد بالسالفه قررو انهم يمشون معهم لمكان الهوشه ..

انحلت المشكله وانفض الشباك ..

زياد ..فار دمه لمن شاف أثير وتوه رافع يده بيجرها من شوشتها وقفته ايد ريان ’’زياد تعوذ من ابليس كلنا خواتنا هنا مافكرنا نسوي اللي بتسويه

زياد ..سودة وجيهنا

ريان ..عيب عليك هالكلام هي وش سوت ولا طلعتها مع بناتنا تسود الوجه

زياد ..لا وربي مو قصدي بس بس

ريان ..لا بس ولا شي ابغا منك وعد رجال ماتلمسها

زياد ..خلاص خلونا نمشي

ريان ..اول اوعدني

زياد ..خلاص اوعدك وانتي مره ثانيه خذي البودي جارد معك مو ناقصين مشاكل ..

تفاجئ الكل بصياح رولا

ريان وتركي بنفس الوقت ..وش فيك

اللتفتو على بعض وتركي استحى ونزل عيونه

ريان ..تكلمي وش صاير

رولا ..امي منومه بالمستشفى تو الخدامه قالت لي ودوني لأمي ابغى امي

بعدها الكل اتجه لبيته

تقى ورولا ..ليه ماوديتنا لأمي

ريان ..بكره من الصباح لأنو اللحيم مانعين الزياره وبالمره تاخذون لها اغراض من البيت

في فلة العايله ..

مريم ..بشرو يابنات كيف رحلتكم

ريوف..والله مو شيئ ماتوفقنا

ام تركي..يحافظ ليه وش صاير

لطيفه..صارت لنا هوشه بس الحمد لله عدت على خير

ام عبدالله ..بسم الله عليكم وكيف عدت

غرام ..العيال كانو جنبنا وماقصرو طلعو بطولات ومواهب الشعب السعودي كلها

ريوف.,وختمناها بمرض ام ريان

ام محمد ..مين ام ريان !؟

غرام ..ام تقى ورولا اللي تعشو عندنا

ام محمد ..الله يشفيها

صباح يوم جديد..

بالمطار..

نوف..اللحين امينه وزوجها ليه جالسين معنا هنا

عبادي..سلامات حبيبي وين تبغينهم يجلسون

نوف..امم بمقاعد المسافرون للسعوديه

عبادي..يمكن قررو انهم يسافرون معنا للمغرب

نوف..ياشين التقليد وش يبون انا ماصدقت اني بروح المغرب واكشف

عبادي..نعم ايش قولي ماسمعت

نوف..وشو ماسمعت ابغا اكشف انت مانعني علشان رشيد هنا بإيطاليا بس لمن نكون بالمغرب عادي اكشف

عبادي..لا حبيبي انا احب ان زوجتي تكون مغطيه من كل رجال العالم ماتنكشف لغيري ابد

نوف..من صجك بس انا ماتعودة

عبادي..تتعودي يقلبي مو كافي مبينه عيونتس ومجننتني

نوف.. بعد قول غطيهم خلي السالفه تكمل

عبادي..ليه مو من حقي

نوف..لا عاد لحد هنا وبس دق بريك يكفي الفيس مغطى

عبادي..يازينك وانتي معصبه وحط ايده على كتفها

نوف..هيه مو قدام الناس

عبادي..وانا ايش سويت وبعدين حبيبتي وانا كيفي ..

في الفله ..

ام عبدالله ..ناصر بالي مشغول على بنيتي

ناصر..تطمني بنت بخير وماعليها شر

ام عبدالله ..دامها بخير خليني اشوفها او على الأقل اسمع صوتها

ناصر..ياربي وش اقولها هاذي ان قلت لها الحقيقه جايز تموت من الصدمه

ام عبدالله ..ناصر وين سرحت

ناصر..حبيبي مايصير تشوفينها حنا هنا مراقبين واخاف يتبعونا ويعرفون مكان بنتنا ونخسرها

ام عبدالله ..طيب اكلمها

ناصر..نفس الشي

ام عبدالله ..اجل انت كيف تعرف اخبارها

ناصر..حاط لها حراس يحرسونها ويطمنوني عليها بس بالسر

ام عبدالله ..مو مقتنعه بس تحاول تهدي نفسها واكيد ابوها مراح يرضا بأن يصيب بنته سوء

ناصر..عندي طلب صغيرون

ام عبدالله ..امر ياابو عبدالله

ناصر..تدرين عبادي قريب يوصل وتوه عريس ماودي تكدرون خاطره لاتعلمونه على طول عن مرض خالد لا هو ولا نوف هو صديقه المقرب وهي اخوها

خلينا نمهد لهم السالفه شوي شوي

ام عبادي..انشاء الله بوصي الكل وبعد جدة نوف تبي تسوي لها حفله وانا قلت بعد اذنك نتشارك معها ونسوي لأمينه ونوف مع بعض

بوعبادي..تدرين يالغاليه انا في هاذي السوالف مفوض لك الأمر بيدك الحل والربط

ام عبادي ..الله يطولي بعمرك ولا يخليني منك يارب .

ملخص ..

خالد ..مازال بغيبوبته

عبير..مازالت اسيره عند ثامر,هي متعاطفه معه رغم كرهها له ولعمايله معها وهو كل ماله يتعلق فيها اكثر

وليد ..وبدريه قلبين عاشقين وهايمين في سماء الحب رغم دكات العيال فيهم الا انها معطيه نكهه حلوة لحياتهم

تركي ويزيد اللي هم عليه عليه من فراشه لفراشه

فهد ..ابتدى خفوقه يدق اتجاه هناء ويفكر في الصدف اللي تجمعهم بس رسالة ريناد شاغلته

مبارك ينتضر متى يصحى خالد علشان يتقدم لريوف اللي مايطيق بعادها

بدر وتقى ..مكالمات ومقابلات سريه وحب يزداد يوم بعد يوم

لطيفه وخليل ..عرف خليل بوجود لطيفه بالمغرب من سوالف هناء ويحاول يستعيد صحته علشان يقدر يشوفها

روح مغليك وواحشني زمانك سارا وبدر مثل ماهم ملقبين انفسهم تطورات في علاقتهم النتيه

في الحفله ..

البنات مبسوطات وكل وحده مجهزه هديتها للعرايس

الشباب مبسوطين الحفله شبه اختلاط صالتين مفتوحتين على بعض اللي وده يقز يقز لاحسيب ولا رقيب

فهد .. اتجه لناحية صالة النساء وهو متردد يكلم هناء او يرجع

وهناء نفس الشي اتجهة لناحية صاله الرجال وهي متردده تكلمه او ترجع

اللتقو الثنين في الوسط وكل واحد مستحي اكثر من الثاني ومع بعض انطقو ممكن

ومع بعض انطقو انت /ـي ابتدي

اضحكو الأثنين وبعدها تكلم فهد

مساء الخير

هناء..مساء النور

فهد ..كيف الحال

هناء..الحمدلله يسرك

فهد..كيف صحة اخوك

هناء..بخير تحسن كثير وقريب يطلع من المستشفى

وبعدها فهد تردد يسألها عن ريناد وش يفول وكيف يبتدي يمكن البنت اصلال ماتعرف ريناد وريناد بطرقها اللملتويه تبغى تخرب بينهم واختلقت قصت انو هناء تكون بنت خالتها

هناء..شكلك مشغول انا استئذن

فهد..انتبه على نفسه لا مو مشغول ولو كنت مشغول بفضا علشانك وش رايك نروح عند المسبح اللي برا

هناء..لقتها فرصه تتقرب منه اكثر وتجس نبض شعوره عن قرب

زياد ..جات له مكالمه ..بكره السفينه المقصودة بتوصل للميناء

ريان ..جات له نفس الرساله وطلع عند البلكونه يفكر بخطه قطع عليه حبل افكاره

أثير..مساء الخير

ريان ..هلا مساء النور

أثير..حبيت اشكرك على موقفك معي بذاك اليوم

ريان..ولو اختي ماسوينا شي زياد هو الغلطان عمر الض*ب مكان مرجله

أثير..في نفسها اختي!1؟,,ونطقت صادق واصلا انا مستغربه من تصرفه عمره متصرف معي كذاا

ريان ..عدت على خير ’انتي شخبارك

أثير..زينه امم انا استئذن واي حاتجه تحتاجه مني لاتتردد تذكر ان عندك اخت اسمها اثير

ريان ..في نفسه اخت !!؟ونطق ممكن اطلب منك خدمه خاصه جدا جدا جدا

أثير ..ايد تفضل وش بغيت