7

2806 Words

فتحت عيونها وهي مفزوعه وليد.. الحمد لله على سلامتك البنت .. تناضر به وتلف بنضرها على المكان الغريب اللي هي موجوده فيه وليد.. كيفك اللحين ,, انتي تسمعيني البنت .. لمن استوعبت الموقف غطت وجهها ,, انت مين وليه انا هنا ,!! ابغى أمي .. وليد.. كاتم ضحكته من حركتها ومن كلامها .. رن جواله قام من جنبها وراح يكلم .. رجع لها وهو مستعجل .. اسمعي يبنت الناس انت هنا بأمان والأمان بالله انا مضطر اللحين اطلع بس اترجاك ماتطلعين من البيت اللين ارجع ,اذا احتجتي شي الخدم تحت امرك بس تكفين لا تطلعين وهاذ لمصلحتك .. اشوفك على خير . بدرية .. هذا وش يخربط وليه خلاني وراح ,!!؟ خلني انام شوي,, ولمن اصحصح كود استوعب يمكن يكون هذا كله حلم .... ...... اصوات موسيغى صاخبه وضحكات تتعالى تحس بتعب ودوخه بصعوبه تفتح عيونها عبير.. انا وين !! وش اللي صار!؟ وقامت تنادي.. امي .. يمى .. امينه .. ياربي وين راحن وخلوني بلحالي وليه هاذ الأزعاج .. احسن شي ارجع انام احس بتعب ولمن اصحصح اشوف وش السالفه يمكن يكون حلم ........ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ الجزء الثاني عشر.. ام عبادي.. فكي عني شوي وش عندك اليوم تلزقين عبير.. شدعوى ماما خلص حنانك انا ناقصني حنان ام عبادي.. انتي اللي خلصت الحنان بدلعك الزايد عبير.. افا وانا اللي طمعانه انام بحجرك وتمسحين على شعري أمينه .. ههههههه امي لا تنسين بعد تقصين لها قصه وتشربينها حليبا عبير.. بلاها من الغيره حره ..ماما امسحي على شعري ولا يهمك كلام العواذل ام عبادي.. **رتي رجولي معدتي البنت الصغيره قومي انتي وهي وصلو الفجر عبير.. بنقوم اللحين اصلا حنا مستعجلات بنركب الطراد بعد شوي ام عبد الله .. زاد بكاها وهي تتذكر اخر موقف صار بينها وبين بنتها .. ليتني ضميتك بحجري وماخليتك تروحين اه يبنيتي وش صاير بحالك اللحين .. بو عبدالله .. ادعي ربك ترجع لنا بالسلامه ويكفيكي بكاء الدموع ماتنفعك ام عبدالله ..( اللهم ياجمع الناس بيوم لاريب فيه اجمعني ببنتي ) لاتلوم قلبي انا أم, وافقدت بنتها ماادري عن ارضها من سماها لو هي ميته يمكن ارحم لي على الأقل ادري هي وين بو عبدالله .. اللي عيونه دمعت واذهلت ام عبد الله اللي عمرها ماشافت دموعه ..اذكري الله وانشاء الله مهنا الا الخير ....... جنى ..ماما قبل تسلمين ادعي لي ام محمد ..بعد ماطوت سجادتها ..وانااقدر انساك كل يوم ادعي لك جنى .. لبى الذوق واهله وهاذي بوسه على راس احلى ام بالدنيا يمه ضميني بقووووه ام محمد ..يعني تنغرين من بنت عمك جنى .. لا والله بس مشتاقه لتس ولريحتس ام محمد .. كان ودي بس البنات ينادونك روحي لاتتأخرين عليهن جنى ..افا طرده يعني بس خليك متذكره عليك دين ضمتي بس ارجع بضمك وباستها للمره العاشره ورااااااااااااااااااااااحت عبد الرحمن .. مايصير كذا ياام محمد صحتك ماتتحمل ادعي لها بالرحمه ام محمد .. هاذي جنى .. جنى ياعبد الرحمن مااحد يحل محلها ,,ليه ماضميتها لحضني ومنعتها من الروحه انا اللي قلت لها روحي يومن طلبت تحضني كانت تبي تودعني وانا رديتها انا مااستاهل اكون ام كيف ماحسيت انها تودعني ليه مو انا اللي مت ليه جنى توها صغيره عبد الرحمن .. اذكري ربك ياحرمه مايصير الكلام اللي تقولينه وكلن له يوم ,هاذي امانه ورجعت لخالقها ادعي لها بالرحمه .. سلطان .. بدر يبكي من الصبح للحين عبد العزيز.. حاول مره ثانيه طق الباب مايصير نخليه كذا سلطان .. طق ..طق بدون جدوى يزيد الأنين عبد العزيز.. خلنا نرجع له الفجر سلطان .. اخاف احد يلاحظ عليه ترى مو شي سهل ايش بيكون موقف عمي عبد الرحمن وعياله عزو .. والله ماادري بس مابيدنا شي خلنا نحاول نكلم اخوه يمكن يفتح له سلطان .. جواله مغلق للحين عزو ..الله يكون بعونه مو شي سهل ابد الأم والأب والحبيبه سلطان .. اخاف يسوي بنفسه شي عزو .. تفائل بالخير يارجال خلنا ننام بالصاله هنا واذا صار شي نسمعه سلطان .. اوكي اجل بروح اغفل باب الملحق اخاف يجي احمد ويشك بالسالفه عزو .. اوكي عند بدريه .. تحس بجوع ,قررت انها تستكشف المكان بما ان وليد مو موجود تاخذ راحتها تمشي وهي مبهورة وفاتحه فمها من الذهول .. انا كنت اشك اني احلم بس اللحين انا متأكده معقوله انا موجوده بقصر تناضر للسلم وللدور الأرضي وترفع عيونها للد*كورات والفخامه هدؤء وسكون بكل الممرات,, فخامه ورفاهيه كانت تحلم بها "هاذي الناس العايشه وينك يابهيه تجين تشوفين الغرفه الوحده كبر بيتنا كله خخخخ وشفيني اكلم نفسي شكلي بجن ومااأنلام نزلت للدور الأرضي وهي تتمشى وقفت على صوت بكاء اطفال حست بنوع من الأمان والفرح هي تحب الأطفال واتجهت لمص*ر الصوت ولمن افتحت الباب انقبض قلبها خدامتين اللي ماسكه جوالها وتقرقر والثانيه ماسكه اللابتوب وتتصفح والصغار يبكون يروحون لوحده ترفسهم ويتجهون للثانيه تقرصهم قصر يرمح فيه الخيل وخير من الله ومخلينه للخدم اللي ماب قلوبهن رحمه اتجهت ناحيتهم وهي حدها معصبه وواثق من خطواتها ناضرت الخدم بنضرات افزعتهم عطتهم من الزين وسوت نفسها ربت البيت صادرة اجهزتهن وطلبت منهن يصعدون الأطفال لغرفتها ويجهزون لهم شي يأكلونه طبعا الخدم صدقو انها ربة البيت لأنو وليد حرصهم على مراعاة الحرمه اللي فوق وتنفيذ كلامها .. بدريه راق لها الجو كثير بوجود الأطفال بنتين وولد رهف ورغد وراكان تعرفت عليهم واكلتهم بعد ماكانو ميتين من الجوع يحرام وبعدها اللعبت معهم الأطفال انبسطو كثير منها وخاصتا رهف لأنها الكبيره فيهم وتفهم شوي رهف 7س رغد ..5 س راكان 3 س عند عبير.. صحت وقامت تناضر بالحرمه اللي تتضبط عند المرايا وكأنها بتروح لزواج بس ملابسها عوذه .. وناضرة الساعه 2 باخر الليل ..وبنفسها هاذي وين بتروح شوي وتسمع نفس الصخب والموسيغى ..اللي اسمعتها العصر .. حست بضيق وخوف ورهبه المكان مو مريح ابد وهي سارحه انتبهت للحرمه .. اخيرا صحيتي عبير.. مين انتي !؟ انا وين اللحين !؟ الحرمه .. ماادري انتي كنتي غرقانه وجابوكي لهنا عبير..طيب ممكن اكلم اهلي وتوصفين لهم المكان اللي حنا فيه علشان يجون ياخذوني الحرمه .. هههههههههههههههههههههههههههههههههاي هو دخول الحمام مثل خروجه لا حبيبتي طلعه من هنا لا تحلمين بها عبير.. وشو ؟ هيه انتي انا موفاضيه لك تعبانه حدي عطني جوال تليفون أي شي وبعدين ليه هاذ الأزعاج كأننا بمرقص عوذه الحرمه .. تقريبا تقدري تكوني كذاا .. عبير..وشو ؟ الحرمه .. انا تأخرت بطلع اللحين انتبهي لنفسك باي عبير.. هيه تعالي وين بتروحين الحرمه مااسمعت نداءات عبير من الأزعاج طلعت وصكرة الباب عبير.. ياربي وشو اسوي ,, انا لا زم اطلع من هنا هاذ مو مكاني ,,قامت تدور لها عبايه او حتى غطا ماحصلت ,,ناضرة نفسها بالمرايا امم اطلع بالبيجامه ؟ ؟ ؟ ايه خلاص واكيد اهل الخير كثار برا اكلم اهلي ويجون ياخذوني طلعت عبير من الغرفه ويااالهوي وشو شافت بارت بالسعوديه اخاف اني بالبحرين ! ! ! كملت طريقها بخفه بس لللأسف شافت شي خلاها تنح بمكانها مصدومه معقوله اللي اشوفه .... بدر ..كيف بيقدر يتغلب على حزنه بدريه كيف بتكون حياتها وايش قصة وليد ريناد حقيقتها ومخططاتها عبير.وين هي وشو اللي شافته صدمها وشل رجولها عن الحركه انتضرو المزيد .. متابعه ممتعه اتمناها لكم تحياااااااااااااااااااااااااااااااااااتي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ الجزء الثالث عشر.. فهد .. فديتها كانت تعزيني وتسأل عن احوالي وقالت انها اليوم مع اهلها بيجون هنا يعزون اهلي تركي.. بعد ,والله خوش فهد البنت شكلها تلعب انتبه لنفسك فهد .. انت ليه تقولي هاذ الكلام تركي اذا تحاول تبعدني عن ريناد او تشككني بحبنا لبعض استريح مالك امل حبها بوسط الحشا ساكن. تركي..ليه اليومين اللي طافو ماكلمتك فهد..ظروفها ماسمحت لها بنات خالتها عندهم وصاكين عليها تركي.. اها اللحين راحت معك للطراد ومادريو عنها والمكالمه او حتى مسج صعبه ..صدقت بصراحه فهد ..انت شتبي توصل له تركي.. انتبه لنفسك وتأكد من طينة البنت اللي تكلمها ولا تنجر وراا كذباتها فهد .. تركي انت ماعندك سالفه اقولك حنا نحب بعض تعرف ايش يعني نحب بعض انت لأنك ماقد حبيت تقول كذاا وتششكك في حبنا تركي.. الكلام ضايع معك ,قام من عنده وهو متضايق حده كيف يكلم فهد عن اللي شافه هو متأكد ان ريناد كانت تناضر عبادي .ومسألت في فهد واللي اكد له زود غيبتها عن فهد وتطنيشها لمكالماته ومسجاته .. بدريه ..ودي اكلم اهلي واطمنهم علي ,تذكرة الجوال اللي اخذته من الخدامه اخذته ودقت على رقم امها ..لكن ماحصلت رد ,وراكان يبكي قالت بتعاود الأتصال بوقت ثاني وراحت لراكان تشوف ايش فيه .. عند الحريم .. حريم طالعين وحريم داخلين دخلو ريناد وهناء ونسرين وام ريناد وام يوسف وسلمو على اهل العزااا ريناد ..مشاء الله بيتكم كبير,كلكم عايشين هنا أمينه .. تقريباً حنا وبيت عمتي مريم وبيت عمي فيصل الله يرحمه وجدي وجدتي ريناد..مشاء الله من بغى لطيفه .. باقي بيتنا طال عمرك وبيت عمي عبد الرحمن ريناد .. اها ,,ريناد شافت بنتين لا بسات الدبل امينه ونوف امينه من اهل البيت يعني اخت عبادي ,يعني نوف هي خطيبته وابتدت بتنفيذ خطتها .. خالد ..خليل اقولك بنت عمي تقول لي هدي ..شاف*ني وانا في اسوأ حالاتي واللي بيدمرني هي ليه هنا كيف وصلت هنا بجن بيجن جنوني خليل..خالد استهدي بالله ,انت ماسمعت وليد وهو يقول انهم لقو غريقه بالبحر واسعفوها خالد.. يناضره بذهول .. يعني عبير هي الغريقه خليل .. ايه ماشفت لبسها ورعشتها خالد.. انا لازم اطلعها من هنا باسرع وقت مستحيل اخلي بنت عمي هنا خليل .. جنيت انت وين تقدر تطلعها لا تخلي العيون تتسلط علينا مو وقته خالد .. وشو مو وقته هاذي عرضي عرضي ياخليل خليل .. وعلشان كذا اقولك اصبر لمصلحتنا كلنا ,انت تدري كلها بكره وتتم العمليه عقبها اخذ بنت عمك لمن ينشغل الكل واهرب بها خالد .. انت تشوف كذاا خليل .. ايه ويلا ارجع لمكانك وخليك طبيعي خالد .. مالي خلق ومزاج وليد .. طحت عليكم شعندكم انت وياه خليل.. ابد سلامتك نهرج سوااا خالد .. والأرتباك واضح عليه انا استئذن وليد.. تلوفت حوليه ولمن شاف الجو مناسب ..خالد قوي قلبك كلها بكره ونخلص .. وبعدين انت وياه قللو تجمعكم ببعض لا تخلون احد يشك فيكم خالد.. وليد تكفا ابغا اكلم اهلي وليد ..ممنوع منعا باتا اصبر كلها بكره وتفرج عند عبير.. معقوله اللي شفته خالد!!؟ ليه كذاا اهلنا ابد ماربونا على هاذي الأشياء شرب ورقص مع حريم عوذه احس مخي بيطير مني واللي يقهر انو مسوي علينا الرجال المحافظ الغيور امحق غيره ومحافظه وذاك اللي لطيفه انغشت فيه ليه اشر لي سكتي وارجعي .. شكلهم مايبون احد يعرف اني اعرفهم .اصلا انا اللي افتشل بمعرفتهم شباب اخر زمن .يلا نستنا الرجال يصحصحون من المسخره ويفهموني وش السالفه .. ياربي على قدر خوفي احس اني متطمنه مدري ليه مع ان اللي شفته مايسر بس على الأقل مو بروحي هنا نوف استغربت وجود ورقه بشنطتها افتختها مساء الخير حبيبتي كيفك اكيد زينه دام عبودي خطيبك مااطول عليك انا ترددة كثير قبل ارسلك عارفه الموضوع حساس خاصه بالنسبه لنا وانا اختك بس مايصير تعيشين مخدوعه ومايصير تحرمين اثنين يحبون بعض من بعضهم انا قلت اعترف لك وانتي وضميرك انا وعبادي نحب بعض من زمان واهله اجبروه يااخذك انتي وهو يحبني انا وهو اكيد بينكر لأنه مايحب ي**ر كلام اهله وبعد ماوده ي**ر بخاطرك ياليت انتي تفكي قيده وتخليه يقرر بدون ضغوط منك او من اهله نبض قلب عبودي r نوف حالتها لا توصف دموعها بحرقه وألم وقهر .. الضيوف وهن طالعين عند الباب .. الثلاثي سلطان وعزو واحمد يسولفون مع يوسف ولمن قربو اهله ابتعدو عزو وهناء قامو يناضرون بعض نفس النضرات سلطان .. يدق عزو ..عيونك بتطلع خف على المخلوقه عزو .. ناضره انت تتوهم شكل فيك النوم أي بنت واي خرابيط سلطان .. علي انا ,افا بس نقول انت نضراتك بريئه وهي نضراتها لك ايش تسميها عزو .. يهز كتوفه ..اي دونت نو ..روح اسئلها هي انا وش دخلني احمد .. شعندكم انت وياه عزو .. ابد سلامتك الا بسئلك هشام مو ناوي يجي يعزيك احمد .. لا هم ارجعو للرياض وامس ارسلي يعزيني عزو ..فتح عيونه وشو ابتدى يتغير مزاجه متى ارسلك احمد.. اقولك امس وتوه مابعد كمل كلامه الى وصلته رساله ..فتحها احمد "الزين عند ذكره عزو .. هشام ,ايش ارسل سمعنا احمد..وانت ايش دخلك من متى تسألني عزو .. مو انت تقول تبيه يتقرب مننا نحاول نفهم طبيعته احمد .. راسل الله ياجركم ,شده وتزول يااخوي اشتقت لك ولسواليفك الله لا يطول شده عزو .. بس احمد.. ايوا بس عزو .. صدق مايستحي حنا بعزا وهو مرسل مشتاق لك ..وش يحس فيه احمد .. ناضره وهو مستغرب ليه ردة فعله هاذي !؟ سلطان.. اتركونا من هشام اللحين خلونا ندخل يمكن ابوي واعمامي يحتاجون شي دخلو الشباب بس مزاج عزو انغلب وصار مو طايق حتى نفسه .. نوف.. معقوله نكون انا واختي تؤامتي نحب نفس الشخص وانا اقول ليه عبادي مو طبيعي معي وشو اسوي انا احبه بس هو مين يحب غرام .. وش عندك تهوجسين مع نفسك نوف .. بقولك سر بس تكفين يكون بيننا وابيك تساعديني غرام .. قولي حبيبتي ولو نوف .. شوفي هاذي الرساله غرام .. هاذي قديمه او توها نوف .. توها اليوم ,وشو اسوي انا احب عبادي غرام.. وريوف بعد تحبه وتموت فيه بعد نوف.. من متى وليه انا ماعندي خبر غرام .. من زمان بس انا اقولك لاتتسرعين يمكن هو يحبك انتي بدليل انه اخطبك انتي نوف .. يعني كان يحبني ويلعب بمشاعر اختي غرام ..لا ,بس يمكن انه يلخبط بينكن بحكم شبهكم الكبير وهي توهمت انه يحبها نوف .. انتي تشوفين كذاا غرام .. ايوا وانتي اقطعي الشك باليقين وسولفي معه بس لاتجبين طاري الرساله نوف.. اوكي صار مع انوالوقت حده مو مناسب بس لا زم اتأكد من شعوره وعلى اساسه اتصرف .. عند بدر..الحال كل ماله يزيد والأنين يزيد مع كل ذكرى ,هايم بعالم الذكريات وبس مو حاس بنفسه ولا احد حاس فيه عند فهد .. طاير من الفرحه لقرب ريناد من اهله والدنيا مو واسعته نسته حزنه على اخته الوحيده عند تركي.. ضميره يألمه ويلوم نفسه بس مو بيده شي لازم دليل يثبت صحت كلامه وقلبه متقطع على ولد عمه عند محمد..للحين ضايق المر من جواهر وصدها وساكت كان يتمناها توقف معه في هاذ الظرف الغاسي بس لاحياة لمن تنادي عند عبادي.. منشغل باله على خالد ليه مايرد وحزين على فقد اخته وينتضر مفاجئات القدر .وصراع قلبه مع عقله يحب ريوف بجنون والوقت يبرهن له انو نسيانها صعب بل مستحيل ,وعقله يقول نوف مالها ذنب .. امينه .. حزينه على فقد اختها وتواسي رشيد بفقده لأخته هو الثاني لطيفة.. تفكر في خليل اللي سرق قلبها من نضره وتفكر ياترى هو اللي طلب من اهله يجون يعزون يعني فيه امل ان اللتقي معك مره ثانيه .. ريوف.. تحاول تنسى عبادي وتعيش حياتها بسلام مع عقلها وقلبها العنيد نوف.. الو عبادي ممكن اشوفك عبادي.. اصعدي انا بغرفتي اللحين نوف .. لااا انت انزل لي بالحديقه عبادي.. اوك العمه مريم ..مبارك وش فيك مو على بعضك مبارك.. ابد سلامتك يالغاليه بس انتي شايفه وضع العايله مريم .ايو والله حالنا انغلب فجئه .. صابتنا عين مبارك.غرام وسارة وين مريم .. غرام مع امينه قررت تنام معها مايصير تتركها وساره جت مع حمولتها عزو وبعدها راحت مبارك.. وانتي امي مريم .شفيني مبارك .. انتي مرتاحه هنا ماودك نطلع وتكون لنا حياتنا المستقله مريم .. وش هالكلام انا هنا مبسوطه وماقد حسيت اني مو بيتي مااتخيل نفسي برا هاذ البيت ..انت تبينا نطلع مبارك..لا بس حبيت اسئلك واللي يريحك ياست الحبايب يريحني مريم .. فديتك والله وفديت قلبك الله يخليك لنا انا وخواتك ولايخلينا من طلتك مبارك ..امين بالحديقه .. عبادي.. ليه خبيت علي انك تحب واني مو اللي تتمناها عبادي..ناضرها وهو مصدوم معقوله ريوف قالت لها عن شي ..مين قال انك مو حبيبتي واللي اتمناها نوف..انا مو انانيه اذا فعلا تحبها الله يوفقكم انا بنسحب بهدؤ عبادي.. وش تخربطين انتي وشو تحبها وانسحب نوف بلا هبال اطفال انا احبك انتي ووحطي ببالك اني لو كنت احب غيرك كان تزوجتها وش اللي يمنعني نوف.. اهلك عبادي.. مستحيل لا اهلي ولاغيرهم وروحي اسئلي امي مين اللي اللح عليها تخطبك لا تخلين الأوهام تلعب بك ولاتصدقين كل اللي ينقال لك هذا اذا تحبين اننا نعيش بسلام .. نوف انبسطت كثير من كلامه اللي ريح قلبها ريوف .. نوف انتي جنيتي نوف .. لالسا فيني عقل بس انتي اللي جنيتي كيف تسمحين لنفسك ترسلين لي هالكلام ريوف.. أي رساله نوف انا اذا بقولك شي بتكلم فيس تو فيس مو الرسايل اللي تتكلم انتي اختي تؤامتي ونصي الثاني مو الرسايل اللي تجمعنا نوف .. رمت عليها الورقه .. اجل وش تسمين هاذي يااختي وتؤامتي ريوف.. تقرا وهي مصدومه للمرة الثانيه نفس الخط ونفس الأسلوب الوضيع نوف حبيبتي مو انا اللي كتبتها والله العظيم مو انا نوف.مايهمني من كتبها لك ابغاكي تفهمين ان عبادي يحبني انا وانا اللي بصير زوجته مو انتي ولا تحاولين تخربين علينا او تدخلين بيننا فاهمه طلعت وهي تاركه خلفها بقايا انسانه .. ليه يانوف تظلميني ومين الحقيره اللي ورا كل هذا مين اللي تبي تدمر حياتنا بالشكل هذا .. صباح يوم جديد.. ام سامي .. بدريه ..بدريه يمه انتي بخير يمه بدريه انتي وين بدريه..يمه انا بخير تطمني يالغاليه ام سامي.. انتي وين بدريه .. والله ماادري ام سامي.. مين جنبك اسمع اصوات بدريه .. هذول العيال ام سامي..وشو من عياله !؟ بدريه .. عيال وليد ام سامي.. طيب اسئلي حرمة البيت عن مكانهم بدريه.. البيت مابه غير العيال والخدم ام سامي ..طيب متى بتجين بدريه .. مدري وليد قبل يطلع قالي لا تطلعين منم البيت لحين ارجع ومن امس طلع ومارجع ام سامي .. طيب بس يرجع خليه يكلم ابوك او احد خوانك وانتي يمه انتبهي لنفسك وكل شوي كلميني بدريه .. انشاء الله يمه .. وليد .. العمليه قدمو وعدها بعد شوي بيتم التسليم انت تامر طال عمرك اوكي صار اعتمد مع السلامه غفل وماانتبه للي سمع مكالمته .. ..,طال عمرك ..انا سمعته بنفسي باين انه جاسوس وخاين

Free reading for new users

Scan code to download app

App Store Google Play

Facebookexpand_more