مسلسل الطبول الملعونة
…………..
الحلقة الثامنة والعشرون
…………….…….
في المستشفى
سعاد تدخل غرفة دكتورة وفاء وتنظر إلى الدكتورة وفاء وهى تقول لها بصوت مرتفع : بنتي سما فين يا دكتورة ؟
الدكتورة وفاء تنظر إلى سعاد وتقول بهدوء : سما في أوضة العمليات يا سعاد
سعاد تدمع عينها وهى تنظر إلى الدكتورة وفاء وهى تصرخ وتقول لها: راحت أوضة العمليات تاني ليه يا دكتورة وفاء؟
الدكتورة وفاء وهى تشير إلى سعاد أن تجلس وتقول لها متماسكة : بنتك كحت كتير وبعدين غرزه من الجرح اتفتح
سعاد وهى تنظر إلى الدكتورة وفاء بخوف وهى تبكي وتقول لها : يعني بنتي هتموت يا دكتورة وفاء
الدكتورة وفاء وهى تنظر إلى سعاد مطمئنة لها : بعيد الشر عنها يا سعاد ، دي حاجة بسيطة جدا ، وهتطلع من أوضة العمليات بعد نص ساعة
سعاد تنظر إلى الدكتورة وفاء وهى تمسح دموعها وتقول لها : أنا عرفت الحل فين ، تخرج سعاد وهى تجري من المستشفى
…………………
