IVY’s POV
Nang sabihin ng doctor na buntis ako, halong tuwa, gulat at takot ang aking nadama. Tuwa dahil nagbunga ang pagmamahalan namin ni Dougz. Isang malaking biyaya ito para sa aming dalawa. May kakayanan pala akong magka-anak. Gulat, dahil sa halos isang buong araw na ipinagkaloob ko ang aking sarili ay may mabubuo. Irregular ang aking menstruation kaya hindi ko iniisip na magbubunga ang pagniniig namin. Takot, dahil hindi pa alam ng magulang ko ang tungkol sa amin ni Dougz. At ngayon, may baby na sa aking sinapupunan. Hindi ko ito maitatago ng mahabang panahon. Lalaki ang aking tiyan sa mga susunod na buwan.
Maligaya ako na masaya ang aking fiancé na ilang buwan ay magkakaroon kami ng anak.
Ayaw ko sanang sumama sa kanya sa bahay nila kaya lang, ayaw niya akong tigilan. Tinakot
