DOUGZ's POV
Inihatid ko si Ivy sa kanyang school. Matamlay siya kaya ayaw ko sanang iwanan kaya lang ipinagtutulakan din niya ako na umalis na kanina.
Kagabi ko pa ito pinag-iisipan. Gusto kong itama ang lahat. Siguradong magagalit ang aking baby kapag nalaman niya na pinangunahan ko siya ngunit ito lang ang naiisip kong tamang gawin lalo na sa sitwasyon niya ngayon. Hindi pwedeng nandito lang ako para tingnan lamang siya. Wala rin sina mommy para mapagtanungan ko.
Matagal pa bago ako umalis sa parking ng kanilang school. Instead na sa opisina ako tumuloy, umuwi ako sa aming village at tumuloy sa Manalo's residence.
Maraming lakas ng loob ang kinailangan ko bago ako bumaba ng aking sasakyan. Wala na itong urungan. Nandito na ako at kailangan ko na harapin ang magulang ng aking mahal
