عوض الحياه

الفصل الخامس

داخلوا العيله كلهم

جريت حياه وحضنت قدر

حياه بدموع: الف سلامه عليكي يا حبيبتي

قدر بابتسامة: الله يسلمك يا ماما

الجد: سلامتك يا حبيبتي

قدر: الله يسلمك

قربت منها قدر وحضنتها: الف سلامه عليكي يا حبيبتي

قدر وحضنتها: الله يسلمك يا خلتو

احلام: سلامتك يا قدر الحمدلله انك قومتي باالسلامه عوض كان خايف عليكي اوي

بصلها عوض وبرقلها

ابتسمت قدر وبصتله: الله يسلمك يا احلام

دخلت ملك بتجري وطلعت علي السرير جنب قدر

حضنتها قدر بابتسامة: اكلتي

ملك: اه طنط سهد جابتلي

بصت قدر لشهد وابتسمت

حياه باستغراب: مين دي انا لسه واخده بالي منها

عوض: بنتي

حياه: هو انت متجوز

قدر: اه متجوز بنت عمه

بصت حياه لقدر لا تفهمه

حياه: بابا كنت عاوزه نتكلم في موضوع

الجد: حاضر يا حبيبتي

احلام: اميره بترن شكلها وصلت المستشفى

وطلعت وردت

دخلت اميره المستشفى

ورنت علي احلام

اميره: ايوا يا ماما انا وصلت المستشفى

احلام: طيب يا حبيبتي اسالي علي غرفه قدر سيف

اميره: طيب يا ماما سلام

وقفلت وبتبص في الفون خبطت في حد ووقعت في الأرض

اميره وبترفع شعرها بايديها: ايه ده حيطه خبط في حيطه

نزل لمستواها ومسك ايديها ورفعها من علي الارض ومد ايده

انااسف جدا انا دكتور مراد

بصتله اميره بق*ف: حصلنا الق*ف وسع كده

ومشيت

رفع مراد حاجبيه: خدي يا بت

لفت اميره راسها: ابعد عني احسن ليك ومشيت

دخلت اميره الغرفه

اميره: الف سلامه عليكي يا قدر

قدر: الله يسلمك يا اميره

دخل مراد: حمد لله على السلامة ممكن نطمئن عليكي

ولف وشه شاف اميره: انتي

بصتله اميره بق*ف وسكتت

وطلعت من الغرفه

قرب مراد من قدر راح عوض راح وقف جنبه

مراد ورفع التيشرت بتاعها وبص علي الجرح: لا انتي اتحركتي صح

قدر: غيرت هدومي بس

مراد: بس انا قولتلك متتحركيش

عوض بخوف: هو حصل حاجه

بصله مراد: امبارح الجرح كان كويس ونظيف من الحركه الجرح هيتعبها انتي حاسه بوجع صح

قدر: لا مش اوي

عوض: طب ايه اللي هيحصل

مراد: تلتزم السرير كده غلط عليها هي

عوض: تمام شكرا

وخرج مراد

كانت اميره واقفه ماسكه الفون بهدوء ومبتسمه قرب منها مراد ووقف جنبها: بتعملي ايه

رفعت اميره وشها وبصتله: عاوز ايه

مراد بصلها وابتسم ومشي

اميره: ايه الهبل ده

ودخلت

في الغرفه

عوض: ممكن ترتاحي بقا

قدر: حاضر

شهد: انا لزم انزل دلوقتي بس هجيلك تاني يا قدر

قدر: في حاجه

شهد: انا سايبه ماما لوحدها من امبارح عشان طنط حياه خلتني اقعد معاها

قدر: طيب سلميلي عليها

شهد: يوصل يا حبيبتي عن اذنكم

خرجت وخرج وراه رعد

شهد: في ايه

رعد: هوصلك

شهد: لا انا طلبت عرربيه

رعد: بس انا قولتلك هوصلك يبقا خلاص

ابتسمت شهد: طيب وخرجوا من المستشفى

في العربية

شهد: مالك في ايه حاسه انك مبسوط بطريقه غريبه

بصلها ووقف العربيه قدام الكورنيش

شهد: وقفت ليه

رعد: انزلي

شهد: ليه

رعد: انزلي بقولك

نزلوا شهد ورعد

مسك ايديها ووقف قدام البحر

شهد باستغراب: في ايه يا رعد

رعد: بصي يا شهد انا مكنتش مخطط لكل ده بس قلبي كان عايز كده

شهد: انا مش فاهمه حاجه يا ربنا

رعد: انا....

شهد: ايه

رعد: انا بحبك ومش من دلوقتي من خمس سنين لما خبطتك بعربيتي واتعرفنا وطلعتي صحابه قدر بحبك من خمس سنين كنتي بتيجي تحكيلي عنه وقد ايح مزعلك كنت بحس ان في سكاكين نازله في قلبي بس كنت بسكت واقول قلبها مش معايا لكن دلوقتي هو مش موجود انا بحبك يا شهد وهفضل طول عمري بحبك

بصتله شهد وعيونها دمعت ومشيت جري رعد ومسك ايديها وشدها لحضنه بشوق

فضلت تعيط كتيير وهو مش فاهم هي بتعيط ليه

رعد: طيب انتي بتعيطي ليه

رفعت شهد وشها ومليان دموع: عشان انا كمان بحبك بس انا منفعلكش يا رعد انا وانت مش شبه بعض

رعد: بس انا بحبك

شهد: مش هقدر استحمل ابقي انا وانت في مكان وتيجي واحد من اللي كنت تعرفهم زمان وتكلمك انت مش هتعرف هتتحملني

رعد: مش فاهم

شهد: أنا مش حلوه زي ما انت شايف انا كلي عيوب

رعد: بس انا مش شايف عيوبك بالع**

شهد بهستريا : أنا عصبية ومتسرعة وساعات بكون غ*ية وخوافة انا بزعل وبسكت وببعد ومش بعاتب، أنا صعب تفهمني وتعرف مالي لأن أنا مبقتش عارفة مالي

أنا منطفية وكئيبة وحزينة ودمي تقيل وتعبانة وبصدع ديمًا الصداع بيقفلي يومي بيخليني أقولك بكرهك وأنا مش بكرهك، مش اجتماعية ومبحبش الأختلاط وبغييير أوووي وبقفل على إللي بيحبوني بترباس وهخنقك ومش هتعرف تتنفس، أنا بعيط ومش بت**ف من ده ممكن أعيط في الشارع قدام الناس أو وأنا باكل أو وأنا بضحك حتى، أنا مش ببدأ هتحسني باردة مع أني مش كده بس معنديش طاقة أبدا أي حاجة فاهمني يا رعد أنا بطيئة وإللي عاوزني لازم يتحمل ويحاول معايا مرة وأتنين وعشرة وميزهقش لإني بقيت بخاف أسلم قلبي لشخص، أنا منطوية ومنعزلة وروحي مش حلوة ولا حاجة روحي متبهدلة حزن و**ر خاطر وخذلان

وعيوب كتير، أنا صندوق أ**د مقفول أرجوك متفتحوش لإنك هتجرب وأنا هحاول أد*ك فرصة عشاني لإني محتجاها يمكن أكون أحسن يمكن تكون أنت المختلف إللي روحي مستنياه، بس أنت هتزهق وأنا هفتح صندوقي عالفاضي ومش هينوبني غير الوجع

بصلها رعد وابتسم بهدوء: خلصتي

ضحكت شهد بسخريه: كنت عارفه انك هتمشي عن اذنك يا رعد

رعد ومسك ايديها: قصدك هنمشي

شهد: هتمشي لوحدك

رعد: لوحدنا

شهد: ليه

رعد: لإني بحبك

شهد: مش هتتحملني

رعد مش شايفك عبء .

. ينفع أطمنك

شهد: طمني

حضنها رعد بقوه وحضنته شهد

في البيت في الغرفه محبوسه فيروز

فيروز: الو انت فين

: انا مش عارف ادخل

فيروز: فوز هتدخلك

:مفيش حد في البيت

فيروز: خلاص اطلع بسرعه

: تمام

فيروز: يلا سلام

وقفلت

فيروز: ماشي يا قدر انا هوريكي بحاول ابعدك عنه من خمس سنين تيجي دلوقتي وتطلعيلي ماشي انا هوريكي

اتفتح باب الغرفه وطلعت فيروز

حضنته فيروز: وحشتني اوي

: وانتي كمان وحشتيني بس يلا قبل محد يجي

فيروز ومسكت ايده: يلا

وخرجوا من البيت

في المستشفى

قدر: انا زهقت اوي ونبي عاوزه اروح

حياه: مش هينفع يا قدر متبقيش شبه الاطفال

دخل عوض

قدر: انت كنت فين

عوض باستغراب: في ايه

بصتله قدر ببراءة ومسكت ايديه: ممكن اطلب منك طلب

بصلها عوض بتوهان: قولي

قدر: انا زهقت اوي وعاوزه اروح

ابتسم عوض بحب: حاضر انا هكلم الدكتور وافق هنروح بس لو موافقش هتفضلي في المستشفى ماشي ولا لاء

قدر بابتسامة: ماشي وانا موافقه

حياه: انت بتسمع كلامها يا عوض

بصلها عوض: عشان هي فعلا زهقانه

وطلع عوض

بقلمي نور جابر