Pinagbihis na niya ang mga modelo na rarampa sa stage ngayon. Kinakabahan nga sila baka hindi papatok sa madla ang mga bago nilang damit. Nasa backstage siya ngayon, para tulungan ang iba pa niyang katrabaho.
Tiningnan niya ang mga modelo na ngayon nagsimula nang magbihis. Nagtataka siya kung bakit kulang ang mga modelo na kinuha nila.
"Bakit kulang ng isa? Nasaan si Stella?" tanong niya habang palingon-lingon sa paligid.
"Eh, Gia..." Nag-alanganing ngumiti si Mona habang napakamot ito ng ulo.
"Ano?" tiningnan niya ito, at naghihintay sa sagot nito.
"Umuwi si Stella, dahil sumakit bigla ang tiyan niya."
"Ano?!" gulat na sabi niya. "Bakit ngayon pa? Sino ang ipapalit natin sa kanya?"
Huminga siya ng malalim bago kinuha ang phone sa bulsa ng pantalon niya at tinawagan si Sonia.
"Hel
