CHAPTER 18
Huminto ang van nang napansin ng driver na ginagawang panangga ni Errol ito sa mga pulis. Isa ring dahilan ay ang pagpara ng mga pulis sa kanila daraanan. Wala siyang magawa kundi ang huminto rin. Nagtakbuhan na ang mga nakasakay sa van dahil sa takot na madamay. Kailangan niya ng mapagtataguan habang nakikipagbarilan sa mga kalaban. Sumilip siya. Pinaulanan agad siya ng bala.
“Tang-ina. Kailangan kong ilaban na ‘to. Patay na kung patay,” bulong niya sa sarili. Iaabante sana niya ang motor niya sa bahaging kaliwa ngunit biglang may mga lumabas na ding mga pulis sa bahaging iyon bukod pa sa mga nasa kanan niya. Palapit ang mga ito sa kanya.
“Sumuko ka na! Wala ka ng lusot!” sigaw ni Clint. Isa sa mga nasa kaliwang sumusugod.
