“How long have you been doing this?”
Halos hindi ko maiangat ang aking mukha dahil sa hiyang nararamdaman. Gabi na at narito akong muli sa sala, nakatayo sa harap ni papa at ng buong pamilya niya.
Hindi ako naghanda sa pangyayaring ito. Naging sobrang kampante ako na hindi ako mahuhuli dahil halos tatlong buwan na rin ang nakalipas at wala pa ring nakaaalam tungkol sa pagbisita ni Charlie rito sa mansiyon bukod sa mga katulong. Ngunit ngayon ay nangyari na nga ang kinatatakutan ko lang noon, at hindi ko na malulusutan pa ito.
“You’re really a shame. Ang anak pa talaga ni Benjamin ang inakit mo!”
Umiling ako, itinatanggi ang sinabi ni Mrs. Bautista. Hindi totoo iyon, hindi ko inakit si Charlie. Magkaibigan lang kami at kahit kailan ay hindi ko binalak na akitin siya. He was the first pe
