Irah Marie’s POV
“Irah, ayos ka lang ba?” agad akong napalingon sa nagsalita. Si Nanay Delia.
“A-ayos lang po.” Nakangiwi na sabi ko. Bigla kasing kumirot ang tiyan ko habang nakaupo sa sofa ng lounge area dito sa maid’s quarter. Natatakot ako dahil kabuwanan ko na ngayon. Hindi ko tuloy alam kung nag-labor na ba ako o ano. Nang nakaraang linggo ay nasugod ako nila Cherry sa ospital dahil akala ko ay nag-labor na ako nang biglang kumirot ang tiyan ko. False labor pain lang pala na normal daw sa kagaya kong malapit nang manganak.
“Basta, kapag nakaramdam ka ng kakaibang sakit ha. Magsabi ka agad. Mahirap na at baka mapa-anak ka. Mamaya pumunta ka ng kusina at sabay-sabay na tayong kumain.” Halata ko ang pag-aalala sa mukha ni Nanay Delia.
“O-opo, Nanay. Huwag na po kayong mag-alala sa
