Thirty-two
Para akong gagong naghihintay kay Quinn. Nakapatay na ang ilaw sa buong sala, sinisimsim ang alak na nasa kopita. Patuloy na umaatake ang takot na baka hindi na ito umuwi. Katulad ng ilang buwan na para na akong masisiraan ng bait dahil hindi ko ito nakita. Napaayos ako nang upo nang marahang bumukas ang pinto.
"Lights open, Luna!" seryosong sabi ko sa high tech na system ng bahay. Bumaha ang liwanag sa buong sala. Nagtama ang mata namin ni Quinn na waring hindi naman nagulat nang makita akong naghihintay.
"Saan ka galing?" seryosong tanong ko rito.
" Sa bahay ni Mommy."
"Liar…" natigilan ito. Kahit mahina lang ang pagkakasabi ko no'n ay tiyak na narinig pa rin nito.
"Sa totoo lang, hindi ko naman responsibility na i-report sa 'yo ang pinupuntahan ko, bakit nga ba nag-
