بلعت ريقها بخوف وهي تشوف سارة جايه لها وقفت وخلت جوالها على الارض
سارة:وش تسويين!!
مياس بلعت ريقها بخوف ولا تكلمت وهي شايله نايف
عمار من وراهم:وش تسوين عندك انتي !!
سارة رمت جوال مياس برجلها تحت الطاوله عشان عمار مايشوفه وهي تعرف عمار وش راح يسوي لو شافه
عمار بحده سحب مياس :قدامي وهاتي الولد
مياس مشت بخوف منه وهي ساكته ودموعها تنزل بقهر ماقدرت ترسل لاحد تخبره
سارة اخذت الجوال بسرعه وحطته بجيبها ومشت وراهم
عمار اخد نايف وهو يبوسه ويشم ريحته: انحرمت منك وانت انحرمت مني بس ماعاد بخليك يقلبي
سارة قلبت عيونها من حركاته وكلامه:اخذ البنت للغرفه احسن من هنا
عمار بدون مايطالعها:خوذيها
سارة مسكت يد مياس وسحبتها دخلتها الغرفه:لاتطلعين من هنا فاهمه
مياس ببكى وهمس: عطيني جوالي الله يخليك
سارة هزت راسها:لا مقدر عمار لو درا يذبخني ويذ*حك
مياس وهي تمسح دموعها: حسي فيني الله يخليك وش ذنبي انا
