Geraldine
TUMIGIL KAMI sa isang carenderia. Bumili ng pagkain si Dexter. Apat na takal na kanin, sinigang at adobo. Pinabalot lang niya iyon saka muling pinaandar ang kotse.
Wala pa rin akong ideya kung saan kami pupunta at kung nasaan ba kami ngayon?
"Saang lugar ba ito?" Hindi ko na napigilan ang sarili ko na magtanong habang nasa biyahe.
"Batangas."
Ano bang klaseng kausap ito? Ang tipid sumagot.
"Wala ba tayong balak umuwi?" tanong ko ulit.
"Gabi na. Bukas na tayo uuwi."
"Ano?!" Bukas? Nagbibiro ba siya? At saan niya ako balak patulugin? Bigla akong nag-panic dahil first time ko ito na hindi uuwi ng bahay. "Eh, saan tayo matutulog?"
"Sa bahay ko."
"Ano?! Ayoko! Umuwi na tayo. Ngayon na!" Ano siya sinuswerte? Hindi ko nga siya gaanong kakilala t
