Sydney Ortiz
Ilang araw ang matulin na lumipas hanggang sa sumapit na nga ang araw ng unang pagpasok ko sa Cafeteria ng Blue Prime Hotel. Nakangiti akong sinalubong ni Paul, ang sekretarya ni Ethan, nang dumating ako sa hotel saka niya ako sinamahan patungo sa cafeteria.
“Uhm… Sir Paul, kaya ko na pong magpunta mag-isa sa cafeteria. Okay lang po kahit hindi niyo na po ako samahan,” saad ko rito habang naglalakad kaming dalawa.
“Ito po kasi ang bilin ni Sir Ethan sa akin,” nakangiting tugon naman niya sa akin.
“Huh?”
“Saka, huwag mo na po akong tawaging ‘Sir.’ Paul na lang po ang itawag mo sa akin,” anito saka nagpatuloy sa paglalakad.
Sa huli ay hinayaan ko na lang siya sa nais niya hanggang sa nakarating nga kami sa cafeteria ng nasabing hotel. Nasa ikadalawampung palapag din iyon k
