Epilogue
MINSAN sa pag-ibig ay sarili mo ang matindi mong kalaban. Hindi mismo ang ibang tao o ang nakaraan ng mahal mo, na ang dati nitong kasintahan. O ang sarili ninyong pamilya na aayawan ang bawat isa.
Ang sarili mo na punong-puno ng pagdududa, na kung hindi ka ba sapat para sa kanya o kung mawawala ba ang pagmamahal niya para sa ’yo.
Kahit wala pa itong ginagawa na ikasasakit ng damdamin mo ay pangungunahan ka na agad ng sarili mo, ng sarili mong pag-iisip.
Sa pagmamahalan nina Trixie at Wade ay alam ni Trixie na bibigyan pa rin sila ng pagsubok ng tadhana kung paano magiging matatag at kung paano nila pananatilihin ang tiwala sa isa’t isa.
Ngunit nauna mismo ang sarili niya na magdududa sa mangyayari sa hinaharap. Kaya napagtanto niya, na kung may tiwala ay kailangan din ng a
