Isang mainit na Sabado ng hapon nang magpasya akong makipagkita kay Bella. Nag-message siya sa akin at sinabing gusto niyang magkita kami sa isang coffee shop malapit sa campus, at pagkatapos ng ilang araw na pag-iisip, napagpasyahan kong tanggapin ang alok niya. Alam kong hindi ko na pwedeng patagalin pa ang tensyon sa pagitan naming tatlo—ako, siya, at si Jace.
Pagdating ko sa coffee shop, nakita ko agad si Bella na nakaupo sa isang sulok. Simple lang ang suot niya—isang puting blouse at ripped jeans—pero hindi maikakaila na maganda siya. Nakita niya akong pumasok at agad niyang itinaas ang kamay niya para ituro kung saan siya naka-upo. Lumapit ako, at pakiramdam ko’y biglang bumigat ang hangin sa paligid.
"Cass, salamat at pumayag kang makipagkita," bati niya habang nauupo ako sa tapa
