NAPATANGA NA LANG AKO habang sinusundan ng tingin si Isla na nagmamartya papasok sa loob ng kwarto.
Hindi ako makapaniwala na ang magandang umpisa ng umaga namin ay bigla na lamang mauuwi na naman sa isang tampuhan.
Napapantastikuhan pa rin na umangat ang gilid ng mga labi ko, at napailing na lamang nang lumikha ng malakas na ingay ang pabalibag nitong pagsasara ng pintuan.
Kung mahina-hina lang ang pagkaka-kabit niyon sa hamba, panigurado ako na magugulat pa ito, at kasunod niyang papasok sa loob ng silid ang buong pintuan.
Nang mawala na ang babae sa paningin ko ay huminga ako ng malalim, at saka pabagsak na inilapat muli ang likod ko sa malapad na sofa. Ipinagsalikop ko ang mga kamay ko sa likod ng ulo ko, at ginawa iyong unan, habang nakikipagtitigan sa kulay puting kisame.
Ano na
