"AND, ABOUT NGA PALA SA BIRTHDAY CAKE..."
Habang kumakain ay panay pa rin ang pagbibida sa akin ni Dos ng mga plano nito para bukas, sa birthday ni Thirdy. Hindi pa raw iyon alam ng anak namin. Hindi niya raw talaga sinabi. Kahit na papaano ay nais niya pa rin daw na masorpresa ito sa pagsapit ng kanyang kaarawan.
Iyon bang kahit na sandali ay sumaya ito at makalimutan muna ang kalungkutan na dulot ng biglaang pagkawala ng lola nito.
Well, ako rin naman. Iyon din naman ang gusto ko. At tiyak na ganoon din si Senyor Leandro. Na kahit na hindi natuloy ang balak sana na birthday celebration ni Thirdy sa isang beach resort ay maging masaya pa rin ito sa espesyal na araw nito.
Iyon nga lang... paano ba ang plano? Hindi ba nga at babalik na kami nila Nanay sa Sta. Barbara mamaya, pag-uwi nam
