"HI, BABE!"
"Hmm...."
Bahagya na lamang akong nag-angat ng tingin at tumango sa bagong dating. Muli kong ibinalik ang pansin ko sa hawak kong cellphone.
Bahagya pang nakakunot ang noo ko.
Dinampot ko ang bote ng beer sa lamesita sa gilid ko at ininom iyon mula mismo sa bibig ng bote. Ang mga mata ko ay hindi ko inaalis sa screen ng hawak kong cellphone.
Tng ina naman kasi. Kanina pa ako text nang text at tawag nang tawag kay Isla, ni isang sagot wala pa rin akong natatanggap mula rito.
Tinawagan ko pa nga ang service provider ng sim card, ng cellphone na iyon para masigurong buhay pa ang linya niyon. Oo naman daw. Hindi pa rin naman daw pinuputol.
Sa card kasi ng tatay ko automatic na pumapasok at kinakaltas ang bill ng mga linya ng telepono ko. Kaya't imposibleng mawalan ng pondo i
