Kabanata 31
Malakas akong napabuntong-hininga habang nakatingin sa lumang bahay kung saan tinutukoy ang address na ibinigay ni Daddy. Dito ba siya tumutuloy? Ngayon lang ba? Nandyan si Azle sa loob?
Humigpit ang hawak ko sa isang itim na bag na may laman na limampung piso. Halaga na kulang pa sa hinihingi ni Daddy pero ito na lang ang kaya ko sa araw na ito, hindi naman pwedeng kunin ko lahat ng pera sa banko.
Luminga-linga ako sa paligid bago tuluyan itulak ang gate na puno ng kalawang.
"Daddy?"
Gusto kong maiyak nang walang sumagot sa aking tawag, dahan-dahan kong binuksan ang kahoy na pintuan at mas lalo akong nanlumo nang makitang wala ni isang gamit sa loob.
Walang tao. Tanging bakanteng lumang bahay lamang.
Kung ano-ano ng senaryo ang pumasok sa isip ko, hindi ko maiwasan mag
