CHAPTER 14
Unang araw pa lang ng klase ngunit ang dami na niyang kailangang gawin na mga homework at reporting. Sisiw lang naman iyon lahat sa kanya ngunit dahil sa baguhan pa lang siya doon ay nangangapa pa siya lalo pa at hindi pa siya pinapayagang gumamit ng computer dahil wala pa ang Student Pass niya.
Ngayon ay kailangan niyang magtiis sa Library at isa-isahin ang mga kailangan niyang resources para sa gagawin niyang reporting.
“Madeline?” Napalingon siya nang may tumawag sa pangalan niya, nakita niya si Jeru na may hawak ding libro. “Ano’ng ginagawa mo rito?”
“Ah, nag-iipon ako ng mga resources para sa reporting ko bukas,” sagot niya.
“Kaya mong basahin lahat iyan?” tanong nito na nakatingin sa apat na makakapal na libro.
“I need to, hindi pa ako makagamit ng computer dahil wal
