“Ops, dahan-dahan! Bakit ka ba kasi nagmamadali?” asik ni Lena sa binata. Kalalabas lang nito sa ospital, at heto, mukhang kalabaw na naman kung kumilos. “Kapag iyang mga stitches sa tagiliran mo bumuka, sinasabi ko sayo Kelvin,” banta niya sa binata ngunit ngiti lamang ang isinukli nito sa kaniya.
Hindi niya alam kung bakit ba ito nagmamadali. Kakagaling lang kasi nila sa park, nagpahangin silang dalawa dahil na rin sa hiling nito. Masyado na raw kasi itong nabu-buryo sa bahay. Nagpa-discharge na kasi ito sa ospital kahit na hindi pa naman talaga ito totally recovered sa kundisyong hindi ito maglalalabas ng bahay. Ang kaso, sa kulit ng nobyo niya hindi rin niya matanggihan ang hiling nito kapag gusto nitong lumabas. Katulad na nga ngayon, anong oras na at kararating pa lang nilang dalawa
