“Watashi wa karera o mitsuketa, Senseii.” ~I found them, teacher.~ Nag-angat ng tingin ang Master sa sinabing iyon ng taong naka-all black na hooded suit and tie. Nagliwanag ang malungkot na mukha nito na may mangilan-ngilan ng kulubot sa balat. Tumayo ang Shujin at mabilis namang iniabot ng alalay nito ang kulay gintong steel cane. Matapos umangat ang kamay nito sa ere, hudyat na pinalalabas niya ang mga tauhan, mabilis na kumilos ang lahat at nagsilabas sa pribadong silid ng Shujin. Naiwan ang taong nakaitim at ang matanda.
“Karera wa doko ni iru?” ~Where are they?~ Bakas sa mukha nito ang pagkasabik sa balita.
Matagal na panahon na kasi nitong hinihintay ang pagbabalik ni Akino. Nangako ang dalaga na hindi babalik ng bansa hangga't hindi nito nahahanap ang magpapasaya sa kaniyang Sens
