Maagang nagising si Lena at naghanda ng almusal ng asawa. Aalis na naman ito at mas gusto niya iyon kasya sa naglalagi ito sa bahay at pig-initan ang anak niya.
Mas pabor sa kaniya kung palagi iyong lalabas at palagi itong uuwi ng gabi. Ang hindi lang niya alam ay kung bakit hindi pa pumupunta ang binata. Ngayon ay ipinagdadasal niya na sana ay pumunta ito dahil aalis si James, samantalang kahapon ay nananalangin siya na huwag itong biglang sumulpot dahil paghapon at magdamag sa bahay si James at gabi na siya nakaalis sa tabi nito habang wala itong humpay sa paglalasing.
Nang matapos siya sa paglilinis at masigurado niya na umalis na nga ang asawa, agad niyang tinungo ang silid ng anak at sinilip kung ano ba ang pinagkakaabalahan ng bata. Napangiti siya nang makita itong abala sa panonoo
