Kanina pa iyak nang iyak ang bata na nasa kuna, halos magkulay itim na nga ito sa kakaiyak ngunit nanatiling nakatingin lang sa bata si James. Hindi man lang nito makuhang buhatin ang bata upang patahanin. Nagmamadali naman si Lena sa pagpasok sa bahay dahil mula sa labas pa lang ay dinig na niya ang palahaw ng anak. Galing siya sa grocery store at bumili ng mga sangkap sa lulutuin niya dahil bibisita sa bahay nila ngayon ang Shujin. “Ano ka ba James!” Mabilis na dinampot ni Lena mula sa kuna ang anak at inalo ito. Masama ang tinging ipinukol niya sa asawa. “Bakit nakatayo ka lang diyan? Wala ka man lang ginagawa... hindi mo ba nakikita itong bata, grabe ka!” “Busy ako Lena, marami akong trabaho para asikasuhin pa ang batang iyan. Sinabi ko naman sayo na ikuha mo ng mag-aalaga para hin