Nagising si Kelvin dahil sa nararamdamang tapik sa pisngi niya. Nagdilat siya ng mga mata at namulatan niya nakangiting mukha ni Akino. Bumalikwas tuloy siya ng bangon sa gulat.
“Ano ba Akino, bakit pumapasok ka rito sa kwarto?” bulyaw niya, nakahubad pa man din siya ng pang-itaas na damit. Ayaw na ayaw niya na may nakakasamang babae lalo na sa pribadong silid. Baka mamaya bumalik si Lena at makita pa siya, alam pa naman niya kung gaano kaselosa ang nobya. Ganoon siya ka-loyal. Tipong kahit matagal na panahon na itong wala, iniisip pa rin niya na isang araw ay babalik ito, at ayaw niyang sa pagbalik nito ay ganoon ang makikita nito. Baka isipin pa nito na nambabae na siya.
“Why? What is the problem?” inosenteng tanong ni Akino. Tumayo ito at lumakad palayo. Siya naman ay tuluyan nang bum
