"WOW! The undefeated LEONA is here again. Magtatagal ka na ba rito, pinsan kong Leona?"
Masayang salubong ni Janellah sa pinsang kapwa alagad ng batas. Iyon nga lang ay sa FBI ito naka-based.
"Heh! Ikaw ang papuntahin ko sa LA at patirahin doon ng ilang buwan. Hah! Tingnan ko lang kung masasabi mong magtatagal ka roon. Naturally, I'm here for vacation!" pabiro namang singhal ng dalagang bagong dating na naman sa bansang Pilipinas.
Oo! Ang superior niya mismo ang nagbigay ng isang buwang bakasyon sa kaniya. Dahil sa matagumpay nilang operasyon o ang pagbagsak ng grupo ni Howard John.
"Well, well... Depende iyan, Leona. Dahil ako na ang reyna ng AGDA. Kahit manirahan ako sa iyo with free food and lodging ay walang problema. Dahil nandiyan sina Mommy at Daddy. Pero bago pa ako ibala ni M
