PAGBALIK ni Sam sa hotel room nila ni Gareth ay agad na nag half bath siya upang makatulog na rin. Naiinis siya sa inasta ni Cherry kanina na tila ba pinagdududahan nito ang pagkakaroon ng amnesia. Mukha ba siyang nagpapanggap? Mukha naman talagang mabait ang babae, ang kaso ay may attitude ito at dala na rin marahil ang selos nito, dahil nga may gusto ito kay Gareth.
Bigla siyang natigilan sa pagsasabon ng katawan nang maisip na, bakit ba siya bumalik agad sa hotel room, parang binigyan tuloy niya ng pagkakataon si Cherry na masolo ang asawa niya. Bigla niyang kinaltok ang sarili, bakit ba tila bigla niyang pinagdadamot ngayon si Gareth? Hindi dapat!
Sige magsama kayong dalawa! Maganda nga at magkaroon sila ng relasyon upang magkaroon ako ng dahilan upang maka-exit sa kasal na 'to!
I
