PASADO alas-dos ng hapon nang magising si Luna. Bigla siyang bumangon nang makapa na bakante ang puwesto ni Blaine. Pababa pa lang ng kama nang mapansin ang isang note na nakapatong sa bedside table.
“Bumaba lang ako sa opisina. Kailangan ko pumunta sa isang importanteng meeting. I will see you later.”
She smiled after reading his short note and stroke back her hair. Nang bumaba sa kama ay inipon niya ang buhok saka inayos ang kuwarto. Paglabas ng silid ay dumiretso siya sa kusina. Nang tingnan ang mga cabinet at ref ay saka niya lang nakita na wala pang laman na pagkain doon.
Bago magpunta sa grocery ay inayos muna ni Luna sa cabinet ang mga damit at personal na gamit na dinala doon. Pagkatapos ay naglinis siya ng buong bahay. Gusto niya na maayos ang bahay sa pag-uwi ni Blaine mula
