HABANG nasa elevator paakyat ng penthouse ni Blaine, pilit na kinokondisyon ni Luna ang sarili nang sa ganoon ay hindi makahalata ang nobyo na may inaalala siya. Habang tumatagal ang kanilang relasyon mas lalo siyang nakikilala ng nobyo. Alam nito kung may dinaramdam siya sa kabila ng ngiti na pinapakita. Kaya’t habang lumilipas ang mga araw ay mas nahihirapan si Luna na itago ang totoong damdamin kay Blaine.
Sana. Bago dumating ang araw na magawa na nitong hulaan kung totoo o nagsisinungaling siya, sana ay nasabi na ni Luna ang totoo tungkol sa kanyang pagkatao. Pagpasok sa loob ay sinalubong siya ng madilim na sala. Pasado ala-una na ng madaling araw. Inaasahan ni Luna na maabutan niya sa sala si Blaine ngunit tila nakatulog na ito.
Papunta na siya sa silid nila nang madaanan na baha
