Nakabihis ng simpleng kulay puting mahabang pang kasal na damit noong umagang iyon si Eleonor. Pagkatapos siyang ayusan ng ina ay lumarga na rin ito kasunod sa iba pang miyembro ng pamilya na nauna na pumunta sa simbahan na pagdarausan ng kasal nila ni Benjamin. Konti lang ang imbitado sa kanilang kasal na iyon, eksklusibo lang para sa pamilya niya at pamilya ng binata. Naaayon iyon sa kagustuhan ni Don Herminyo. Ayaw na nitong makarinig pa ng kung anumang istorya na galing sa ibang tao tungkol sa mga nakaraang nangyari sa kanilang pamilya. Ipinagkasundo nito sina Eleonor at Benjamin para matigil na ang babae sa paghihinagpis sa nawalang anak at sa pagkamatay ni Alejandro. Datapwa't isang malaking rason narin doon ay makabubuti iyon sa kanilang pamilya dahil mayaman din ang pamilya ng lal
