"Alejandro!"
Patakbong sinalubong siya ni Eleonor at niyakap ng mahigpit nang makita niya ulit ang sarili sa panaginip.
Tuwang tuwa din siyang binuhat nito at dinampian ng halik sa labi. Wala na ang kakaibang naramdaman niya noon dito. Napalitan na ng saya sa tuwing nakikita niya ito. Nandoon na rin ang pag-aasam na mahawakan at mayakap ito sa tuwing mapapadpad siya sa lugar na iyon.
"Halika irog ko! Pumaroon tayo sa bahay. Lumuwas ng Maynila sina Papa at Mama. Ang aking mga kapatid ay wala rin doon. May ipapakita ako sa iyong bagay na napakahalaga. Isang sorpresa," may galak ito habang hila hila sa isang kamay si Alejandro.
Isa sa mga ugaling nagustuhan niya mula kay Eleonor ay mahilig siya nitong sorpresahin. Kahit ano lang na gusto nitong ibigay sa lalake ay idinadaan nito sa sorp
